Census 23:19 - Hawaii Pidgin Bible

¹⁹ God, he not one guy. No way he tell he goin do someting, An den he no do um. He not da kine god goin tell someting, An den tink az mo betta he neva tell dat. Him, he talk, an den he do um. He make one promise, An he do wat he tell he goin do.

Census 23:19 Referans Kwoze

1 Samuel 15:29

An da God fo da Israel peopo, dat stay awesome foeva, he no bulai nobody. He not one guy jalike us dat tell he goin do someting, an den he no do um.”

James 1:17

Erytime somebody give you someting nice an spesho, all dat come from yoa Faddah up dea inside da sky. He wen make all da lights inside da sky—da sun, an moon, an stars. But God no change jalike da tings inside da sky change.

Malakai 3:6

Da One In Charge, he tell dis too: “Me, Da One In Charge, An I no change how I ack. I still da same. Az why you guys from da Jacob ohana no stay wipe out!

Hebrews 6:18

Wen God do dat, he do two tings dat no goin change eva. Numba One, he make one strong promise dat fo shua he goin do good tings fo us guys. Numba Two, he get da blame if he no do good tings fo us guys. An God no bulai nobody. He make dat promise cuz he like give us guys plenny good kine words. Dass fo us guys dat stay run to God fo get outa da bad kine stuff, fo us get da good kine stuff God wen promise he goin give us bumbye. We know he goin do dat, an we goin stay wait fo um.

Titus 1:2

Us guys can trus God. An we can know da trut. Az cuz we know fo shua dat bumbye God goin give us da real kine life dat goin stay to da max foeva! Az why us can wait lidat. God, from da time he wen make da world, he wen promise dat kine life. An he no bulai, you know.

Rome 11:29

You know, wen God give you someting, he no take um back. Wen he tell you, “Eh! Go come be my guy!”—he no goin change his mind.

Luke 21:33

Da sky an da earth goin go way, but wat I tell no goin go way, eva.

Habakkuk 2:3

Wat I goin show you, Gotta wait fo da right time. Az da trut bout da end. No matta how slow, wait fo um. Goin happen fo shua, but not late. Goin come wen come.

Songs 89:35

I wen make one strong promise to David, An I goin do um, Cuz I stay good an spesho. An dat promise goin las foeva. No way I goin bulai David!

Hosea 11:9

I no goin punish you guys jus cuz I stay huhu wit you. I no goin turn aroun an jam up you Efraim peopo. Cuz I God! I not one guy! I da One dat stay good an spesho, an I live wit you guys. I stay huhu, but I no goin come bus up you guys!

Micah 7:20

You goin hang in dea wit da Jacob ohana peopo, An stay tight wit da Abraham ohana peopo, Jalike you wen make one strong promise to oua ancesta guys fo do, Long time befo time.”

1 Records 17:17

God, da way you see um, all dat az no big deal. But now you stay talk bout me, yoa worka guy, an wat goin happen fo da king guys dat goin come from me long time afta now. You God, Da One In Charge, an you make to me jalike I da mos importan guy.

Rome 9:6

I no tell dat God neva do wat he promise fo do. Not all da peopo dat wen born from oua ancesta guy Israel, da fo real kine Israel peopo, you know.

2 Timoty 2:13

Even if us guys no trus God, Fo shua God erytime goin do wat he tell he goin do. He not goin ack jalike he not God!”

Hebrews 7:21

Was wen Jesus come one pries, dat God make dat strong promise. God tell um, “I Da One In Charge. I make dis promise, An I no goin change my mind. ‘You one pries guy foeva.’ ”

James 4:5

You tink da Bible tell dis fo notting? “God wen put one spirit inside all us guys, an he no like if dat spirit no stay all out fo him ony.”

Start 28:15

So you know wat? I stay wit you. I goin take kea you, ery place you goin go. Bumbye I goin bring you back hea, dis land. I no goin leave you behind. I make dis promise: I goin do eryting dat I tell you I goin do.”

Census 14:35

Dis wat me Da One In Charge tell. Fo shua I goin do all dis stuff to all dose bad kine peopo dat come togedda agains me. You guys goin live da res a yoa life inside dese boonies. Ova hea, dass wea you goin mahke!’ ”

Census 23:18

Den Balaam tell da spesho message he get from God: “Lissen up, Balak! Hear me, Zippor boy.

Songs 89:34

I no goin stick finga At da deal I wen make wit him. I no goin change wat I wen tell.

Songs 110:4

Da One In Charge Make dis strong promise awready, An he no goin change his mind. He tell: “You, you stay one pries foeva fo me. Da same kine pries jalike Melkizedek.”

Isaiah 21:17

Ony goin get litto bit mo guys from da Kedar army dat know how fo fight good wit bow an arrow, dat still stay alive.” Dass wat Da One In Charge tell, da God fo da Israel peopo.

Isaiah 31:2

But no matta wat dose guys tink, Da One In Charge know wat fo do erytime, An he can make bad tings happen too. Wen Da One In Charge tell someting, He no need change his mind bumbye. He goin go agains da ohanas dat do bad kine stuff. An agains da peopo dat help dem.

Isaiah 40:8

Da grass come all dry, An da flowas come poho an fall down, But wat oua God tell, Dat goin stay foeva.

Isaiah 46:11

I call one eagle from da east side— Az one guy from one far place— Fo him do wat I wen make one plan fo do. Fo shua, wat I tell I goin do, I make one plan fo do um, an I do um!

Isaiah 55:11

Dass jalike da tings I tell! Wen da words go out from my mout, Fo shua, I know Az not wase time! Da tings I tell, goin do wat I like um fo do, An make happen Wat I sen um fo make happen.”

Jeremiah 4:28

Az why da peopo all ova da world goin stay sad inside, An da sky up dea goin come dark. Cuz I awready wen tell wat I make one plan fo do, An I no goin change my mind an do someting diffren.”

Daniel 4:28

All dis kine stuff wen happen to King Nebukadnezzar.

Start 26:3

Stay hea dis land an put up yoa tents! I goin stay wit you an make eryting come out good fo you. Cuz you an da peopo dat goin come from you, I goin give all da lands aroun hea to you bumbye. I wen make one strong promise to Abraham, yoa faddah, an bumbye I goin make happen da tings I wen tell him I goin do.

Joshua 21:45

All da good kine stuff Da One In Charge wen make one promise fo do fo da Israel peopo, he do um all. No mo notting dat he neva do!

1 Samuel 3:12

Wen dat happen, all da tings I wen tell bout da Eli ohana, eryting from da start to da end, I goin make all dat happen.

1 Kings 14:11

Anybody from da Jeroboam ohana dat mahke inside da towns, da dogs goin eat um. If get some mahke outside, da country side, da birds goin eat dem. Me, Da One In Charge, tell you dis!’

2 Kings 7:2

Da govmen guy dat come wit da Israel king tell Elisha, da guy dat stay tight wit God, “Wot! You tink Da One In Charge goin open up windows inside da sky an make food come down jalike rain?! No way!” Elisha tell da officer guy, “Fo shua, you goin see um happen jalike I wen tell. But you, you no goin eat notting from dat!”

2 Kings 15:12

Dis all happen da way Da One In Charge wen tell Jehu goin happen: “You, yoa boy, yoa grankid, an yoa great-grankid, goin sit on top da Israel throne, ony four a dem. Den yoa blood line goin come pau.”

Songs 77:9

Maybe God foget how fo give chance! Maybe he stay huhu, An no show pity no moa!” (Time out fo da music.)

Songs 132:11

Befo time, Da One In Charge Make one strong promise to David, Da kine promise you can trus, An God no goin change his mind. He tell: “I goin put one king Dat goin come from you, David, On top da throne, Jalike wen you was in charge.