Census 22:31 - Hawaii Pidgin Bible

³¹ Den Da One In Charge open Balaam eye, an he see da angel guy from Da One In Charge standing on top da road, wit his sword ready fo use inside his hand. An Balaam go down all da way, an put his face on top da groun.

Census 22:31 Referans Kwoze

Start 21:19

Den God show Hagar one puka wit watta inside. She go dea an put da goat skin down inside da puka an fill um up. Den she pull um up an give um to da boy fo drink.

Jesus Guys 26:18

fo open dea eyes an fo turn um away from da dark kine stuff to da light; fo turn um away from da powa Satan get an turn um to God. Den I goin let um go, an hemo dea shame fo all da bad kine stuff dey do. Den dey can come togedda wit all da peopo dat trus me an come good an spesho fo me.’

Luke 24:31

Den dey see fo real kine, an know az him. But right den an dea he disappea.

Luke 24:16

But he neva let um know who him.

John 18:6

An you know wat? Wen Jesus tell dem, “I da guy,” dey back up an fall down on top da groun.

Songs 9:20

Eh! You Da One In Charge! All da diffren peopos dat donno you, Make um come real sked. Let um know, dey ony peopo, Dey not God. (Time out fo da music.)

1 Records 21:16

David look up an see da angel guy from Da One In Charge dat stan wit da sky ova him an da earth undaneat him. He carry one sword inside his hand, an he hold um out ova Jerusalem. David an da older leadas put on burmbag kine clotheses, an dey go down an put dea face on top da groun.

Census 24:16

Da word from da guy dat hear wat God tell, Who learn stuff from da God Dass Mo Importan Den All Da Odda Gods. Da guy dat see someting jalike one dream From Da God Dat Get All Da Powa. I go down in front him An see tings real good:

Census 24:4

I hear da word dat God tell. I see someting jalike one dream From Da God Dat Get All Da Powa. I go down in front dat God An see tings real good:

Outa Egypt 34:8

Moses go down on top da groun real fas fo show God love an respeck.

Census 22:30

Da donkey tell Balaam, “Me yoa donkey. You wen ride me erytime till today. You tink I stay make lidis erytime, o wat?!” Balaam tell, “No.”

Joshua 5:13

One time wen Joshua stay nea Jericho town, he look up an see one guy stay standing in front him. Da guy get one sword inside his hand. Joshua go by him an tell, “Eh! You stay wit us guys, o wit da guys dat stay agains us?”

Joshua 5:14

Da guy tell, “I not fo you guys o fo da guys dat stay agains you. But I stay in charge a da army guys fo Da One In Charge. Dass why I stay come hea.” Den Joshua go down quick fo put his face on top da groun, fo show he get awesome respeck fo da guy. Joshua aks um, “Wat my Boss like tell me, his worka guy?”