Census 11:22 - Hawaii Pidgin Bible

²² You tink, goin get enuff fo dem even if you kill uku plenny sheeps, goats, an cows fo dem, o wat?! You tink goin get enuff if somebody go catch all da fish inside da ocean fo dem, o wat?! No way!”

Census 11:22 Referans Kwoze

Matthew 15:33

But his guys tell, “Eh, we stay hea inside da boonies, you know. An get plenny peopo. Wea us goin find enuff food fo feed um?”

2 Kings 7:2

Da govmen guy dat come wit da Israel king tell Elisha, da guy dat stay tight wit God, “Wot! You tink Da One In Charge goin open up windows inside da sky an make food come down jalike rain?! No way!” Elisha tell da officer guy, “Fo shua, you goin see um happen jalike I wen tell. But you, you no goin eat notting from dat!”

John 6:9

“You know, get one boy hea dat get five small barley kine bread an two small fish. But how dat can feed plenny peopo? No can!”

Luke 1:34

Mary tell him, “How can? I neva sleep wit one guy.”

Luke 1:18

Zekariah tell da angel guy, “How I goin know dis fo shua? I one ol man, an my wife, she ol too.”

Mark 8:4

But his guys tell, “Eh, we stay in da boonies, you know. An get plenny peopo. Wea we goin find enuff food fo feed um?”

Mark 6:37

But Jesus tell um, “Nah! Dey no need go. You guys, you give um someting fo eat.” Dey tell, “Us gotta work eight month fo make da money fo buy enuff bread fo feed all dese peopo! You like us guys go buy um?”

Census 11:13

Wea I goin get da meat fo dem?! No mo no place wea I can get meat fo all dese peopo! Dey stay cry an tell me, ‘Give us guys meat fo eat!’

Census 11:21

But Moses tell Da One In Charge, “I stay hea wit 600,000 infantry guys! But you, you tell, ‘I goin give dem meat fo eat fo one whole month!’

Census 11:23

Da One In Charge tell Moses, “Wassamatta you?! Me, Da One In Charge, an you tink I no mo enuff powa fo do dat?! Now you goin see if wat I tell goin happen fo you, o not!”