Census 11:13 - Hawaii Pidgin Bible

¹³ Wea I goin get da meat fo dem?! No mo no place wea I can get meat fo all dese peopo! Dey stay cry an tell me, ‘Give us guys meat fo eat!’

Census 11:13 Referans Kwoze

Mark 8:4

But his guys tell, “Eh, we stay in da boonies, you know. An get plenny peopo. Wea we goin find enuff food fo feed um?”

Matthew 15:33

But his guys tell, “Eh, we stay hea inside da boonies, you know. An get plenny peopo. Wea us goin find enuff food fo feed um?”

Mark 9:23

Jesus tell “Wat you mean, ‘If can’? Jus gotta trus me, den you can do all kine stuff.”

Census 11:21

But Moses tell Da One In Charge, “I stay hea wit 600,000 infantry guys! But you, you tell, ‘I goin give dem meat fo eat fo one whole month!’

Census 11:22

You tink, goin get enuff fo dem even if you kill uku plenny sheeps, goats, an cows fo dem, o wat?! You tink goin get enuff if somebody go catch all da fish inside da ocean fo dem, o wat?! No way!”

Census 11:20

You guys goin eat um fo one whole month—till come outa yoa nose, an you guys goin hate um! Az cuz you guys no like me, Da One In Charge, dat stay right hea wit you guys! Cuz you guys stay cry in front me an tell, “How come we wen go way from Egypt?!” ’ ”

2 Kings 4:43

Elisha helpa guy aks, “Wot?! How I goin feed one hundred guys wit ony dis?!” Elisha tell, “Give um to da guys fo eat. Cuz dis da message from Da One In Charge: ‘Wen dey eat, goin get lefovas.’ ”

2 Kings 7:2

Da govmen guy dat come wit da Israel king tell Elisha, da guy dat stay tight wit God, “Wot! You tink Da One In Charge goin open up windows inside da sky an make food come down jalike rain?! No way!” Elisha tell da officer guy, “Fo shua, you goin see um happen jalike I wen tell. But you, you no goin eat notting from dat!”