Census 10:33 - Hawaii Pidgin Bible

³³ So dey all leave da mountain wea Da One In Charge stay, an go fo three day. Fo dose three days, da Box Fo No Foget Da Deal Wit Da One In Charge, dat da pries guys stay carry, go in front dem fo show dem wea fo res.

Census 10:33 Referans Kwoze

Rules Secon Time 1:33

Da One In Charge wen go in front you guys inside one fire nite time, an inside one cloud day time. He even look fo you one place wea you guys can make camp nite time! Az how he show you guys wea fo go.

Outa Egypt 3:1

One time, Moses stay take kea da sheeps an goats fo his faddah-in-law Jetro (he get anodda name too, Reuel). Jetro, he da pries fo da Midian peopo. Moses take da sheeps an goats way inside da boonies, Mount Sinai side. (Dass da mountain wea God show up.)

Hebrews 13:20

God, he da One dat make um so notting bodda us guys. An he da One dat wen bring back from mahke Da One In Charge a us guys, Jesus. Jesus wen bleed an mahke fo us guys, an dass how God wen make one New Deal fo us dat stay foeva. Jesus, he jalike da main sheep guy dat take kea his sheeps.

Ezekiel 20:6

Dat day I make one strong promise to dem: ‘I goin bring you guys outa Egypt fo go one land I wen pick fo you. Az one land dat get plenny milk an honey, da mos beautiful land from all da odda lands.’

Jeremiah 6:16

Dis wat Da One In Charge tell his peopo: “Stop wen you get to da place wea two roads come togedda an look. Aks bout da ol trails, How peopo wen live befo time. Aks bout how fo find da good way. Den go live dat way! Dass how you guys goin learn how fo live fo no mo notting bodda you. But you guys tell, ‘Us no like live dat way!’

Jeremiah 3:16

“Bumbye, wen mo an mo peopo live inside da land, da peopo no goin talk bout how was wen get da Box Fo No Foget Da Deal I Wen Make Wit You Guys. Dey no goin tink bout um o rememba um. Dey no goin make um dat importan. An dey no need make anodda box.

Isaiah 66:1

Dis wat Da One In Charge tell: “Da sky, jalike one throne wea I sit down. Da earth, jalike one stool wea I put my feets on top. Wea da house you guys goin build fo me? Wea I goin res?

Isaiah 28:12

Jalike he wen tell um befo time, “Dis da place fo res. Da guys dat tired can res ova hea. Dis wea you guys can sleep.” But dey no like lissen.

Songs 95:11

Cuz a dem, I wen come huhu An make one strong promise— I wen tell, ‘No way dese peopo goin go Da place wea I goin make dem come So notting bodda dem!’ ” An dass wat God tell you guys today.

1 Samuel 4:3

Wen da Israel guys go back dea camp, da older leadas aks, “How come Da One In Charge let da Filisha army win ova us today? Eh! We go take Da Box Fo No Foget Da Deal Wit Da One In Charge from Shiloh fo help us guys. We bring um wit us, fo Da Box help us win agains da Filisha army, da guys dat hate us!”

Local Leadas 20:27

An da Israel peopo aks Da One In Charge wat fo do. (Dat time, Da Box Fo No Foget Da Deal wit God stay Bethel side,

Joshua 4:7

Tell um, ‘Wen da pries guys take Da Box Fo No Foget Da Deal Da One In Charge Wen Make an go cross da Jordan Riva, da riva wen pau run. Dese stones goin be jalike one sign fo da Israel peopo, fo no foget foeva wat wen happen hea.’ ”

Rules Secon Time 31:26

“Take dis book wit da rules inside, an put um by da side a da Box Fo No Foget Da Deal Wit Da One In Charge. Da book goin stay dea fo tell wat I wen see da Israel peopo do fo judge dem.

Rules Secon Time 9:9

Da time I go up da mountain fo get da flat stones dat show da deal Da One In Charge wen make wit you guys I wen stay on top da mountain forty day an forty nite. I no eat food an no drink watta all dat time.

Census 10:12

Dass wen da Israel peopo start fo go out from da Sinai Boonies, an go from dis place to dat place till da cloud come down inside da Paran Boonies.

Outa Egypt 19:3

Wen dey get dea, Moses go up da mountain, da place wea God stay. Da One In Charge call Moses from on top da mountain. He tell um, “Moses! Dis wat you gotta tell da peopo dat come from da Jacob ohana (az da Israel peopo):

Isaiah 11:10

Dat time, dis wat goin happen: Goin get one new king stay come. He goin get King David blood, jalike David faddah ohana da root fo him, an him da new branch. Dat king, goin be dea jalike one flag, so all da diffren peopos goin know he dea, fo all da diffren peopos know fo go by him. Peopo inside all da countries goin aks him wat fo do. An da place he goin live goin be awesome.

Jeremiah 31:2

Den Da One In Charge tell dis: “Da peopo dat still stay alive Moses time Afta da Egypt guys try fo kill dem, I wen make dem spesho kine Wen dey stay inside da boonies, An wen dey go from dea fo res inside dea land.”