Census 1:36 - Hawaii Pidgin Bible

³⁶ Da ones dat come from Benjamin: All da guys twenny year ol o mo dat can join da army get dea names dea, by dea ohanas an faddahs.

Census 1:36 Referans Kwoze

Start 49:27

“Benjamin! His ohana goin be jalike one wild wolf dog dat go afta da animals. Morning time, he eat da meat he wen kill. Evening time, he half half wit his army guys da stuff he wen steal.”

Jesus Show 7:8

From da Zebulun ohana, 12,000 get God mark. From da Joseph ohana, 12,000 get God mark. From da Benjamin ohana, 12,000 get God mark.

2 Records 17:17

From da Benjamin ohana: Eliada, one guy dat real good fo fight, he da main leada fo 200,000 guys dat use bow an arrow an shield fo fight.

Start 46:21

Benjamin, his boys, Bela, Beker, Ashbel, Gera, Naaman, Ehi, Rosh, Muppim, Huppim, an Ard.

Start 44:20

Us guys tell you, ‘Yeah, we get faddah, he alive, an he ol. An us get one mo younga braddah guy, dat born wen oua faddah guy ol awready. His real braddah mahke awready, so him da ony one dat stay from his muddah. Dass how come his faddah get plenny love an aloha fo him.’

Census 1:35

Da numba from da Manasseh ohana, get 32,200 guys.

Census 1:37

Da numba from da Benjamin ohana, get 35,400 guys.

Local Leadas 20:15

Right den an dea da Benjamin guys get 26,000 guys wit swords from dea towns, an 700 guys dat da Gibeah peopo wen pick.