Amos 9:6 - Hawaii Pidgin Bible

⁶ Da One In Charge, he build da top part a his house inside da sky, Da arch go all da way up from da earth. He tell da watta fo come up outa da ocean, Den he pour um out on top da groun. Da One In Charge, dass his name, Cuz dass who him!”

Amos 9:6 Referans Kwoze

Amos 5:8

“God, he da One wen make da stars— Da Pleiades an Orion stars, He change da real dark time an make um come morning time, He change da day time an make um come dark fo nite time. He tell da watta fo come up outa da ocean fo make rain clouds, Den he pour um out on top da groun. Da Boss, Da One In Charge, dass his name, cuz dass who him!

Amos 4:13

Amos tell dis: “You know wat? Da One In Charge, Him da One dat shape da mountains. Him da One make da wind blow. Him da One tell peopo eryting he tink. Him da One change da morning light Fo make um come dark one time. Him da One walk on top da mos high places inside da world! An him Da One In Charge A Da Armies. Dass wat kine god him!”

Songs 104:3

He build his palace in da sky. He use da clouds fo war wagon An he ride on top da wind, Jalike da wind get wings fo carry him.

Songs 104:13

God pour watta all ova da mountains From his palace inside da sky. Cuz a da tings God do, Da earth get all da watta she need.

Jeremiah 5:22

Da One In Charge tell, “I da One you guys betta watch out! You betta come sked a me! Wen you stay in front me, You guys goin shake cuz you sked! I wen put da sand by da sea edge. Da sand make da ocean stay dea foeva. Da waves come in an go out, An dey no can do notting. Da wave make big noise, But dey no goin go ova da sand.

Start 2:1

Az how God wen pau make da sky, da world, an all da tings inside dem.