Biblia Todo Logo
Bib sou entènèt

- Piblisite -




Amos 8:11 - Hawaii Pidgin Bible

11 Amos tell: “Dis wat da Boss, Da One In Charge a me, tell: “ ‘You know wat? Goin come one time Dat I goin make erybody all ova da land Feel jalike dey hungry. But dass not da hungry you get fo bread O da thirsty you get fo watta. Me, Da One In Charge, I stay talk bout dis: Dey goin like hear all da tings I wen tell befo time, Cuz dey goin come hungry fo hear all dat now!

Gade chapit la Kopi




Amos 8:11
12 Referans Kwoze  

Us guys, no mo spesho mark Fo show who us. No mo nobody talk fo God no moa. No mo nobody wit us know Wen all dis trouble no goin be no moa.


Da boy Samuel do pries kine work fo Da One In Charge, an Eli stay in charge a da boy. From long time awready, Da One In Charge neva tell notting to da peopo. An he no let plenny peopo see dream kine tings dat suppose to tell um stuffs.


From long time, da Israel peopo no mo da God dass fo real, an no mo pries fo teach dem, an no mo da Rules From God.


He aks Da One In Charge fo tell wat goin happen, but Da One In Charge no tell him notting—not inside his dreams, o wit da Urim da Main Pries Guy use, o from da guys dat talk fo Da One In Charge. Notting!


Real bad kine stuff goin happen, one right afta da odda. Dey goin hear any kine stuff bout wat goin happen. Da guys dat tell dey talk fo God, peopo goin aks dem fo tell wat God wen show dem. Da pries guys no goin teach da rules no moa. Da older leada guys no goin tell da peopo no mo wass good fo dem.


Wen he see all da peopo, he get love an aloha an pity fo dem, cuz dey all wore out inside an no can do notting cuz a dat. Dey jalike da sheeps dat no mo one sheep guy fo take kea dem.


Az why nite time goin make eryting dark fo you guys. You guys no goin dream notting. Goin come all dark, So you guys no can make ceremony fo find out Wass goin happen afta. Da sun goin go down fo you guys dat tell you talk fo me, Wat you guys stay do no goin be lidat no moa!


Samuel tell, “How come you stay bodda me an bring me up hea?” Saul tell, “I get plenny presha! Da Filisha guys stay fight me. Jalike God tell ‘Laytas’ to me an no lissen you! He no talk to me no moa, no matta I aks da guys dat talk fo him, o I dream. Az why I wen call fo you fo tell me wat fo do.”


I goin make um jalike da boonies wea no mo notting. Nobody goin trim um, o hoe hana da weeds. Plenny stickas an thorn bushes goin grow dea. I goin tell da clouds Fo no let um rain on top um.


Wen no mo nobody talk fo God, Da peopo buckaloose. But anybody dat stay do wat da Rules tell, Dey can stay good inside.


If she no pau make lidat, Den I goin make her come naked Jalike da day she wen born. I goin make her come jalike da boonies An jalike da dry land. An den she goin come thirsty an mahke.


Swiv nou:

Piblisite


Piblisite