Amos 6:7 - Hawaii Pidgin Bible

⁷ “Fo shua, pretty soon now, Da Assyria army guys goin come drag you guys outa hea. You guys goin be da firs one. Den you no can lay dea an grind at da religious luaus fo da odda gods, Cuz all dat no goin be no mo fo you guys.

Amos 6:7 Referans Kwoze

Amos 7:11

Dis Amos guy, dis wat he stay tell peopo: ‘King Jeroboam, somebody goin kill him wit one sword, an fo shua, dose peopo goin take all da Israel peopo far away from dea land.’ ” Dass wat Amaziah tell Jeroboam.

Amos 5:5

No go by da Bethel peopo fo get help, No go Gilgal side. No go da odda side a da country, Beer-Sheba side. You no foget, Gilgal was da firs place Yoa peopo wen come inside dis land, But now, Gilgal garans goin be da place Wea odda peopo goin drag you outa dis land! Da Bethel peopo goin come notting.”

Luke 21:24

Peopo goin kill some wit swords, an take oddas away. Peopo all ova da world goin make um prisonas. Da peopos dass not Jew guys goin bus up Jerusalem an walk all ova um, till dea time pau.

Nahum 1:10

Jalike he goin make dem come All jam up inside da thorn bushes. Dey goin come piloot from drink dea wine. Dey goin come burn up jalike da dry junks from da wheat.

Amos 7:17

But cuz you stay talk lidat, dis wat Da One In Charge tell: “Yoa wife, she goin come one hoa Right hea inside yoa home town. Da ones dat stay agains you Goin kill yoa boys an yoa girls wit swords. Yoa land, odda peopo goin measure um fo broke um up an sell um. An you, you goin mahke inside anodda land dat stay pilau, Cuz you Israel peopo goin come prisonas Far away from yoa land.”

Amos 5:27

Dass why now, I goin throw you guys outa dis land An make you guys go da odda side Damascus. Go ahead! Take da idol kine gods wit you!” Dass wat Da One In Charge tell, da One dat stay da God Ova All Da Armies.

Isaiah 21:4

I no can tink good! I stay shake cuz I real sked! I wait fo da light come litto bit, But now da light come, I stay sked even mo plenny!

Esther 5:8

If you da king like me, an like do wat I tell, den I like you da king—an Haman too—come one mo time tomorra fo anodda dinna I goin make. Den I goin tell you wat I like you fo do.”

Rules Secon Time 28:41

You guys goin get boys an girls, but you no goin keep dem fo stay wit you guys cuz odda peopo goin make dem prisonas an take dem away.

Daniel 5:30

But dat same nite, da Mede army guys kill Belshazzar, da king fo da Babylon peopo.

Isaiah 24:8

Good fun, da tammorine, but now no mo noise. Da noise from da party guys, all gone. Good fun, da harp, but dat stay pau too.

Amos 4:3

Dey goin drag all you wahines Thru da places wea yoa town wall bus up an fall down In front yoa house. Dey goin throw out you guys An take you guys away Harmon side.” Dass wat Da One In Charge tell.