Amos 6:5 - Hawaii Pidgin Bible

⁵ You guys pick up da harp fo jam An make new kine songs— An you tink, ‘I can make da music Same same jalike King David!’

Amos 6:5 Referans Kwoze

Isaiah 5:12

Dey make big party, Dey get plenny small harp an bass harp, Tammorine, flute, an wine dea. But dey no tink notting bout Da One In Charge, An da tings he do. Wen he show da tings he make wit his hands, Dey no see notting.

Amos 5:23

Eh, laytas wit da noise from yoa religious kine songs. Dey ony bodda me! Dey ony noise! I no goin lissen da harp kine music From you guys!

Amos 8:3

Da One In Charge a me, he tell dis too: “Wen dat time come, da peopo dat sing inside da Temple no can sing, cuz dey sore inside an stay cry loud. Goin get choke plenny mahke bodies! All ova da place! Take um outside da town! An no talk! Dass wat me Da One In Charge tell.”

Jesus Show 18:22

No mo nobody goin eva play music inside yoa town no moa. No mo harp, o flute, o trumpet. No mo nobody goin hear da music no moa. No mo da guys dat know how fo make fancy kine stuffs. Nobody goin hear da noise from da millstone Dat grind flour fo yoa bread.

1 Peter 4:3

Befo time you guys had plenny time fo do any kine bad kine stuff, jalike da peopos dat donno God. Dey make any kine. Dey like fool aroun somebody dey no stay married to, dey get piloot, dey ack wild, dey ony like party too much. No matta dey not suppose to, dey go down an pray to da idol kine gods.

Teacha 2:8

I pile up plenny silva an gold stuffs fo me, an I get da rich kine stuffs from odda kings an odda districks. I get guys an wahines fo sing, an plenny wahines fo come my odda wifes—enuff fo make one guy feel real good inside.

1 Records 23:5

4,000 goin be da security guard guys fo da gates, an 4,000 goin sing good stuff bout Da One In Charge wit da music instruments. I wen awready make da music instruments ready fo use fo tell good tings bout Da One In Charge.”

1 Records 15:16

Same time, David tell da leada guys fo da Levi ohana fo pick some a dea braddahs fo come singa guys, fo sing da kine songs dat show dat da peopo stay real good inside. Dey goin use da kine tings dat make music: da twelve-string bass harp, da small harp, an da loud high cymbals.

Start 31:27

How come you bulai me fo you run away? You steal stuff from me an neva tell me notting, aah? If you wen tell me you goin go befo time, I goin make one big party fo let you go, wit songs an tammorine an harp!

Ezekiel 26:13

I goin make you guys pau sing all dat noisy kine song, an pau play da music from yoa harps. No mo nobody goin hear um no moa.

2 Records 29:26

So da Levi guys stan dea ready wit da tings David use fo make music, an da pries guys wit dea metal trumpets.