Amos 5:9 - Hawaii Pidgin Bible

⁹ He da One dat bus up da strong guys An broke down dea strong wall!

Amos 5:9 Referans Kwoze

Hebrews 11:34

Dey put out big fires. Dey get away from da guys dat like kill um wit swords. Dey not strong, but dey come strong. Dey get plenny powa fo fight da army guys from odda countries. Dey make whole armies run away.

Micah 5:11

I goin wipe out big towns inside yoa land, An broke down all yoa strong wall.

Jeremiah 37:10

Wen dey do dat, no goin matta you guys bus up all da Babylon army guys dat stay attack you guys! No goin matta da ony Babylon guys dat still stay alive stay hurt inside dea tents! Fo shua, even jus da ones dat stay hurt, still yet dey goin come aroun dis town an burn um up. You guys no can win, you know!”

2 Kings 13:25

Den Jehoash, Jehoahaz boy, take back from Ben-Hadad, Hazael boy, all da towns dat Hazael wen take ova from Jehoash faddah Jehoahaz befo time. Jehoash wen win ova him three time, an dass how he get back da Israel towns.

2 Kings 13:17

Elisha tell Jehoash, “Tell somebody open da east side window.” An dey open um. Elisha tell, “Shoot!” An he shoot. Elisha tell, “Az Da One In Charge arrow fo show da winna, fo show you goin be da winna ova da Aram guys! You goin wipe dem out to da max, ova dea Afek town.”

Isaiah 29:5

Goin get real plenny guys from anodda place Dat stay agains you guys, But dey goin come jalike da dirt on top da groun. All da peopo dat like hurt you guys, Dey goin come jalike da junk kine stuffs from da wheat Dat stay blow way. Goin come real fas,

Amos 2:14

Da guy dat can run fas, no matta, Still yet, dey goin catch um. Da guy dat strong, no matta, He no goin do notting. Da army guy no goin stay alive, No matta he know how fo fight.