Amos 4:7 - Hawaii Pidgin Bible

⁷ Da One In Charge tell: “Da time you guys wen need da rain da mostes, Fo three month befo you harves da food, Was me dat hold back da rain. I wen make da rain go one town an not da odda town. Had rain one field, an anodda field dry up.

Amos 4:7 Referans Kwoze

Jeremiah 3:3

Az why I wen hold back da Novemba rain, An no mo March rain too. But you guys make hard head Jalike one hoa. You guys no let nobody make you come shame.

Outa Egypt 9:26

Ony Goshen side, wea da Israel peopo live, neva get hail.

Isaiah 5:6

I goin make um jalike da boonies wea no mo notting. Nobody goin trim um, o hoe hana da weeds. Plenny stickas an thorn bushes goin grow dea. I goin tell da clouds Fo no let um rain on top um.

James 5:17

Elijah was jalike us guys. One time, he wen pray real hard an aks God fo go hold back da rain. An God wen hear him an do um. Dass why neva had rain ova dea fo three an a half year, dat time.

Joel 2:23

You peopo on top Mount Zion, stay real good inside, Cuz yoa God, Da One In Charge, give you plenny rain. He give rain befo da cold time come. Cuz he do da right kine tings. He sen plenny rain befo da cold time An afta da cold time, jalike befo time.

Outa Egypt 10:23

Da peopo no can see each odda notting. Fo three days, no mo nobody can go from his place an move aroun. Ony da Israel peopo, dey had plenny light ova dea wea dey live.

Outa Egypt 9:4

But Da One In Charge goin make diffren kine to da animals dat us Israel peopo get, an to da animals dat you Egypt peopo get. All da animals dat us Israel peopo get, no goin get even one dat goin mahke.

Jesus Show 11:6

Dose guys get da powa fo shut up da sky fo da rain no come. Dey goin stay tell wat God tell. Dey get da powa fo make da watta change fo come blood. An dey get da powa fo make all kine trouble come on top da peopo all ova da world too, weneva dey like.

John 4:35

You guys tell, ‘Get four mo month, den da crop stay ready fo harves.’ Lissen up! I tell you: Look da fields, cuz dey stay ready fo harves awready.

Zekariah 14:17

If some a da peopos on top da earth no go Jerusalem fo go down in front da King, Da One In Charge dass Da God Ova All Da Armies, dey no goin get rain.

Jeremiah 14:22

Da idol kine gods fo da diffren peopos, Dey good fo notting— Dey no can bring rain, aah?! Da sky not da one sen down rain showas! You da One, Da One In Charge, do all dat. You oua God, an us guys stay wait fo you help us, Cuz you da One stay do all dis stuff.

Jeremiah 14:4

Da groun all dry an stay crack, Cuz no mo rain inside da land. Da farma guys stay shame. Az why dey cova dea heads too.

Rules Secon Time 11:17

Cuz if you guys no lissen me, Da One In Charge, I goin come real huhu agains you guys, an I goin shut da sky fo stop da rain, an da groun no goin grow food. Den you guys goin mahke real quick cuz no mo food, no matta you live on top da good land dat I stay give you guys.

Outa Egypt 8:22

Same time, on dat day, I goin make diffren kine to da Goshen land wea my peopo stay. No goin get bugs notting dat side. Dass how you goin know dat me Da One In Charge, an dat I stay inside dis land.

1 Corint 4:7

So, wat? You guys tink you diffren from all da odda peopo? Eryting you guys get, God give um to you. So den, wen you guys get da stuffs, how come you guys get big head, jalike you guys da ones go get um an God neva help you?

Outa Egypt 10:22

So Moses put up his hand to da sky. All ova da Egypt land come real dark, three day, jalike da dark stay thick.

Jeremiah 14:3

Dea alii guys sen dea worka guys fo go carry watta. Dey go da watta storage places, But no mo watta ova dea. Dey come back wit empty watta jars. Dey shame an dey lose face, Az why dey cova dea head.