Amos 2:13 - Hawaii Pidgin Bible

¹³ “Kay den! I goin smash you guys Right dea wea you stay standing, Jalike wen one wagon go huli on top you Cuz get too much heavy stuff inside.

Amos 2:13 Referans Kwoze

Isaiah 1:14

Yoa new moon meetings An yoa odda spesho religious kine ceremonies, Dey no make me feel good. Dey jalike one heavy ting on top my back Dat I gotta carry. I had it wit um awready.

Malakai 2:17

You guys, you talk too much, you make Da One In Charge real tired! An you tell, “How us guys make God tired?” Az cuz you tell, weneva you do bad kine stuff, Da One In Charge tink you good, an he stay good inside cuz a wat you do. Az why you guys tell, “You tink God goin judge us? No way!”

Ezekiel 16:43

“ ‘But cuz you foget how was wen you stay young, an you wen make me come huhu wit all dis kine stuff, you know wat I goin do?! Fo shua I goin pay you back da same kine, cuz a wat you wen do. Az wat me Da One In Charge, da Boss, tell. You wen go make any kine an you do all dis pilau kine stuff too.

Ezekiel 6:9

Den inside da nations wea da army guys wen bring dem, an wea dey stay prisonas, dey goin tink bout me. Dey no goin foget how I was sore inside wen dey wen fool aroun an go away from me. An dey no goin foget how dey wen turn to da idol kine gods an like stay tight wit dem. An den dey goin hate how dey stay cuz a all da bad kine stuff dey wen do an cuz dey wen ack pilau kine.

Isaiah 43:24

You guys neva buy me Da cane kine perfume dat smell nice, An you guys neva give me Da bestes part a yoa sacrifice meat. Da ony ting you guys wen do fo me, You make pilikia fo me Wit all da bad tings you stay do, An you guys make me tired Wit all da bad tings you do.

Isaiah 7:13

Den Isaiah tell, “Lissen, you peopo dat come from David ohana. Not enuff you guys try fo make odda peopo come piss off wit you. Now you stay trying fo make my God come piss off wit you too!

Songs 78:40

Plenny time, ova dea inside da boonies, Da Israel peopo wen tell God Dey no goin do how he tell um fo do. Dey wen make God Come plenny sore inside, Ova dea wea no mo notting!

Start 37:7

All us guys was outside, inside da wheat field. Us was tying up da wheat plants we wen harves. An you know wat? Da wheat plants I wen tie, go stan up! Den da odda wheat plants you guys wen tie, make circle aroun mines, an go down in front my wheat fo show um respeck!”

Census 7:3

Dey bring dea presents in front Da One In Charge, six wagons dat get cova an twelve bulls—one bull fo ery leada guy, an one wagon fo ery two leada guys. Dey give dis stuff in front da Tent.

Job 39:12

You shua dey goin bring in yoa wheat an barley, An put um all togedda da place wea you split da junk kine stuff?