2 Samuel 8:1 - Hawaii Pidgin Bible

¹ Bumbye, David an his army guys go afta da Filisha guys one mo time, an from den da Filisha guys no mo powa. He even take Meteg-Ammah town away from da Filisha guys too.

2 Samuel 8:1 Referans Kwoze

2 Samuel 7:9

Ery place you go, I stay wit you. I cut off all da guys dat stay agains you. Az why dey no can stan up in front you. Now, I goin make you one big name guy, jalike da mos big name guys in da world.

2 Samuel 2:24

But Joab an Abishai, dey still yet stay chasing Abner. Wen da sun stay go down, dey come by da Ammah hill wea can see Giah town, on da road dat go inside da Gibeon boonies.

Hebrews 11:33

All dem guys wen trus God. Dass how dey wen fight an win agains da odda kings an dea countries. Dey do wass right fo help da peopo. Dey get da stuff dat God wen promise dem. Dey fight an win agains lions.

Hebrews 11:34

Dey put out big fires. Dey get away from da guys dat like kill um wit swords. Dey not strong, but dey come strong. Dey get plenny powa fo fight da army guys from odda countries. Dey make whole armies run away.

2 Samuel 19:9

All ova da Israel ohanas, all da peopo make argue wit each odda. Dey tell, “King David wen get us guys outa da powa a da peopo dat stay agains us. He da one wen get us guys outa da powa a da Filisha guys. But now, he gotta run away from oua country awready cuz a Absalom.

2 Samuel 22:44

Eh! You Da One In Charge! You da One take kea me Wen da peopos go agains me! You let me stay in charge a plenny diffren nations. Da peopos dat stay work fo me now, I neva know dem from befo time.

Songs 18:43

Eh! You Da One In Charge! You da one dat make me win Agains da peopo dat poin finga me! You put me in charge a plenny diffren peopos. Da peopo dat stay work fo me now, I neva know dem from befo time.

Songs 60:8

Da Moab land, dass jalike da pot I use fo wash hands, Da Edom land, Jalike I throw my slippas ova dem Fo show I take um ova awready. Wen I take ova da Filisha land, I goin yell cuz I da winna!”

1 Samuel 7:13

So da Israel guys win ova da Filisha guys, an da Filisha guys neva go inside da Israel land no moa. All da time Samuel stay alive, Da One In Charge stay agains da Filisha peopo.

2 Samuel 5:17

Wen da Filisha guys hear dat da Israel peopo wen pour olive oil on top David head fo make him dea king, all da Filisha army guys go up country Israel side fo go look fo David fo go kill um. But David hear bout um, an he go outa Jerusalem, down inside da boonies, wea he get one strong place wea nobody can go inside.

2 Samuel 5:25

So David do eryting Da One In Charge tell him fo do. Him an his guys chase an kill da Filisha guys all da way from Geba, till you come nea Gezer.

Songs 60:2

You wen make da land shake An split. Now, fix all da place Wea da land stay bus up, Cuz az jalike da groun Still stay shaking an no come solid.