2 Samuel 22:16 - Hawaii Pidgin Bible

¹⁶ Da One In Charge yell, ‘Wat you guys stay do, not good!’ An he blow real hard cuz he huhu, Cuz a dat, can see da places wea da watta move thru da ocean, An can see da foundation, da ocean bottom.

2 Samuel 22:16 Referans Kwoze

Nahum 1:4

He can talk strong to da ocean, an make um come dry. He make all da rivas come dry. Da green grass all ova Bashan an Carmel come no good too. Da flowas inside Lebanon come no good an mahke.

Songs 106:9

God tell da Red Sea Fo no ack jalike one ocean, An da place come dry. He make da peopo walk On da floor a da ocean Jalike dey walk thru da boonies.

Songs 74:1

Eh God! How come You wen dump us guys?! Goin be lidat all da time, o wat?! You stay real huhu wit us guys, Jalike smoke come outa yoa nose! An us, jalike da sheeps Dat live on top yoa land An you jalike da sheep guy Dat take kea us!

Job 38:11

I tell da ocean, ‘Go come up to hea, but dass it. Dis wea yoa awesome waves goin stop!’

2 Samuel 22:9

Wen God come huhu, jalike smoke go up from his nose An fire come outa his mout an burn up stuff! From him, fire come jalike charcoal stay burn.

Micah 6:2

“Lissen wat me Da One In Charge tell Fo poin finga my peopo. Let da mountains hear dat. Dey da strong foundations Fo da earth dat stay foeva. Lissen cuz Da One In Charge know How come he poin finga his peopo, Da Israel peopo!