2 Samuel 21:21 - Hawaii Pidgin Bible

²¹ Wen he bad mout da Israel army guys, Jonathan (his faddah Shammah David braddah) wack um so he mahke.

2 Samuel 21:21 Referans Kwoze

1 Samuel 17:36

Eh, Boss! I wen kill da lion an da bear too. Dis Filisha guy dat no mo da cut skin mark fo show he God guy, he goin be jalike da lion an da bear, cuz he talk big agains oua army dat fight fo da God dat stay alive fo real kine.

1 Samuel 17:10

Den he tell, “Today, I goin make you Israel guys come shame! Give me one a da guys dat stay all line up ova dea yoa side fo me an him fight awready!”

1 Samuel 16:9

Den Jesse tell Shammah fo walk in front Samuel. But Samuel tell, “Still yet, Da One In Charge no pick dis one.”

1 Records 27:32

Jonathan, David uncle, one guy dat can tell peopo wass da bestes ting fo dem do an dat undastan plenny stuff, he write da tings dat wen happen. Jehiel, Hakmoni boy, take kea da king boys.

1 Records 2:13

Jesse da faddah fo Eliab, da firs boy fo born. Da boy numba two was Abinadab, numba three Shimea,

2 Kings 19:13

Wea da king fo Hamat, aah? O da king fo Arpad, da king fo da big town a Sefarvaim, o Hena, o Ivvah? Wea dese guys stay now?!’ ”

1 Samuel 17:3

Da Filisha guys stay on top one hill, an da Israel guys on top anodda hill, an get one stream in da middo.

2 Samuel 21:20

Laytas, dey fight da Filisha guys Gat side. Get one mangus guy ova dea, wit six fingas on his one hand an six fingas on da odda hand, an he get six toes on one feets an six toes on da odda feets. So he get twelve fingas an twelve toes. An he come from da Rafa ohana too.

2 Samuel 21:22

Dose four guys come from da Rafa ohana, Gat side. An David an his army guys kill all four a dem.

2 Samuel 13:3

Amnon get one fren name Jonadab. An Jonadab faddah, Shimeah, he David braddah. Jonadab one sly mongoose.