2 Samuel 20:9 - Hawaii Pidgin Bible

⁹ Joab tell Amasa, “Howzit, brah?” Den Joab take Amasa by da beard wit his right hand, an make jalike he goin kiss him.

2 Samuel 20:9 Referans Kwoze

Micah 7:2

Cuz no mo nobody ova hea inside da land Dat stay tight wit God. No mo nobody hea do da right kine stuff! Erybody like kill somebody. Dey even like set up dea braddahs, Jalike wit one trap fo wipe um out.

Songs 55:21

Da tings he wen tell soun nice, But inside, he ony like beef. He talk nice kine, But da tings he tell, Jalike one sword fo stab me.

2 Samuel 3:27

Wen Abner come back Hebron side, Joab take him inside one small security guard room by da gate. He make jalike he like talk to Abner, jus dem two inside one quiet place. But fo pay back Abner fo kill Joab braddah Asahel, Joab stab Abner in da belly, an he mahke.

2 Samuel 15:5

An erytime somebody come nea Absalom fo go down in front him, Absalom put out his hand, take hold a dem, an kiss dem.

2 Samuel 17:25

Absalom wen pick his cousin Amasa fo stay in charge a his army, an he no pick Joab. Amasa faddah, one guy name Jeter. He one Israel guy. Amasa muddah, Abigail, Nahash girl an Zeruiah sistah, she Joab muddah.

2 Samuel 18:29

Da king aks, “Da young guy Absalom, he stay good, o wat?!” Ahimaaz tell him, “I see erybody donno wat fo do, jus wen Joab stay ready fo sen me an da odda guy dat work fo you. But I donno wat was happening.”

1 Kings 2:32

Cuz Joab wen make peopo bleed an mahke, now Da One In Charge pay back Joab. Joab wen go attack an kill two guys, an my faddah neva know wat Joab do till afta. One guy Abner, Ner boy, da general fo da Israel army, an da odda, Amasa, Jeter boy, da general fo da Judah army. Dey mo betta guys den Joab, an dey stay do da right ting mo den Joab.

Jeremiah 41:2

Ishmael an his ten guys get up an jump Gedaliah wit dea swords an kill um. Gedaliah, you know, he da guy dat da Babylon king wen pick fo stay in charge a da land.

Local Leadas 3:15

One mo time da Israel peopo yell to Da One In Charge fo help dem. So he give dem one guy fo get dem outa trouble: az Ehud. He one guy dat do stuff wit his lef hand. He Gera boy, from da Benjamin ohana. Da Israel peopo sen him fo carry da stuff dey gotta pay Eglon, da Moab king.

Smart Guys 26:23

Wen somebody talk nice to you, Jalike eryting stay okay, But inside, dey like hurt you, Az jalike wen peopo put da junks from melt silva All ova one clay pot Fo make um look fancy kine, But still, az ony one clay pot.

Smart Guys 27:6

Wen yoa good frenz tell you, You wen do someting wrong, You feel jalike dey make you bleed, But still yet, you can trus dem. Wen somebody dat hate you kiss you plenny time Az cuz dey stay bulai you.