2 Samuel 19:26 - Hawaii Pidgin Bible

²⁶ Mefiboshet tell, “My boss da king, I yoa worka guy, but I no can walk good! I wen tell, ‘I like get one saddle on my donkey, fo me ride on top um, an go wit da king!’ But my worka guy Ziba wen screw me up.

2 Samuel 19:26 Referans Kwoze

2 Samuel 9:3

King David aks, “Get somebody still yet from Saul ohana fo me make good to dem, cuz a God?” Ziba tell da king, “Still yet get one a Jonathan boys. He hurt his two feets an he no can walk.”

2 Samuel 4:4

(One mo ting, aah? Saul boy Jonathan get one boy name Mefiboshet dat no can walk good. He was five year ol wen Saul an Jonathan mahke. Somebody come his house from Jezreel fo tell erybody dat his faddah an granfaddah, mahke awready. Da wahine dat take kea him wen pick um up an run away. But cuz she rush, da boy fall down an hurt his two feets. Az how come he no can walk good.)

2 Samuel 19:17

Wen Shimei go, one tousan Benjamin guys go wit him. An Ziba, da boss guy fo Saul ohana, wit his fifteen boys an twenny worka guys go real fas da Jordan Riva, befo da king come dea.