2 Samuel 17:12 - Hawaii Pidgin Bible

¹² An we go attack yoa faddah no matta wea he stay. Us guys, we goin go all ova him an his guys, jalike da dew go all ova da groun morning time. Az how we no goin leave him alive, o even one a all his guys!

2 Samuel 17:12 Referans Kwoze

Obadiah 1:3

Cuz you guys get big head, You ack jalike you know eryting. But you donno notting! You guys live wea you can hide inside da cliffs, An inside da high mountains. You guys tink, ‘No mo nobody can bring me down on top da groun!’

2 Kings 19:24

I wen dig pukas fo watta inside odda lands, An drink da watta from dea. I wen make supa plenny army guys Walk all ova da streams Egypt side, An dey dry up all da streams ova dea!”

2 Kings 18:23

“ ‘Go come now! We go bet! I bet you, you no can find enuff guys fo ride 2,000 horse. Cuz if you can chance um, den my boss, da Assyria king, goin give you da 2,000 horse!

1 Kings 20:10

Den Ben-Hadad sen back da messenja guys fo tell Ahab, “I make dis promise: I goin bus up da Samaria town! No goin get enuff dirt ova dea fo all my army guys pick up even one hand full. If I no bus up Samaria town, den I like da gods bus me up even mo den dat!”

1 Samuel 23:23

Find out bout all da place wea he go hide, an come back by me wen you know fo shua. Den I goin go wit you. If he stay ova dea, I goin track him down, no matta I gotta check out all da Judah ohanas!”

Songs 110:3

Wen you take yoa army guys Out fo fight, Dey all goin like go wit you. You goin wear fancy kine clotheses Dat show you spesho fo God. You goin feel jalike you stay young One mo time. You goin go out wen da dew come On top da grass From early morning time Wen da light come out.

Micah 5:7

All da peopo from da Jacob ohana Dat stay alive still yet, Dey goin live togedda wit plenny diffren peopos. Dey goin be jalike dew from Da One In Charge, An rain on top da grass. Cuz nobody can hold back da dew, An da rain come from Da One In Charge, Not from peopo!