2 Samuel 16:7 - Hawaii Pidgin Bible

⁷ Wen Shimei yell fo God put kahuna on top David, he tell, “Get outa hea! You one guy dat kill plenny peopo! Fo shua, you good fo notting!

2 Samuel 16:7 Referans Kwoze

Songs 51:14

Eh God! Let me go, an hemo my shame, Cuz I wen set up one guy fo mahke! Eh God! You my God, Da One dat get me outa trouble! Az why I can make big noise An let erybody know Bout how you erytime Do da right ting!

Songs 5:6

Da guys dat bulai peopo, You goin wipe dem out bumbye. Da kine guys dat like go kill peopo, O da ones dat nobody can trus, Fo you, Da One In Charge, dey pilau.

1 Kings 21:13

Den da two no good guys come dea. Dey sit down right in front Nabot. Dey poin finga Nabot in front all da peopo. Dey tell, “Dis Nabot, he tell he like bad tings happen to God, an to da king!” Den dey all take Nabot outside da town. Dey all throw stone at him, an he mahke.

1 Kings 21:10

Den put two no good guys right in front Nabot. Tell dem fo poin finga him lidis: ‘Eh! Us guys wen hear you tell, dat you like bad tings happen to God, an to da king!’ Den take Nabot outside, an erybody throw stone fo kill him.”

2 Samuel 12:9

Me, Da One In Charge! I tell peopo wat dey gotta do an wat dey gotta no do. So! How come you ack jalike wat I tell no mean notting?! Da way I see um, dis ting dat you wen do, az real bad! You wen murda Uriah da Het guy, an steal his wife fo come yoa wife. Az jalike you use da Ammon guys sword fo kill him.

2 Samuel 3:37

So from dat day, all da army guys dat stay dea, an all da Israel peopo, dey come shua dat da king no mo da blame fo kill Abner, Ner boy.

1 Samuel 25:17

Now, tink bout all dis, an figga out wat fo do, cuz David guys stay ready fo do someting real bad to oua boss an all his ohana peopo, an all us worka guys too. You know Nabal, aah? He da kine guy dass ony bad, so no mo nobody can talk to him.”

1 Samuel 2:12

Eli boys, cuz dey no mo respeck fo Da One In Charge, dey pilau kine guys an dey do bad kine stuff.

Rules Secon Time 13:13

get some no good guys from yoa peopo, dat stay try turn da peopo from dat town away from Da One In Charge to odda gods. Dey tell, “Us go down in front odda gods an show respeck fo dem.” But you guys neva know dose gods befo time.

2 Samuel 16:6

He throw stones at King David an all his leada guys, no matta all da army guys an spesho bodyguard guys stay all aroun David.

2 Samuel 19:21

But Zeruiah boy Abishai tell da king, “Now stay good fo kill Shimei fo all dis, aah? Cuz he wen like put kahuna on top you, da one Da One In Charge wen pick!”

2 Samuel 20:1

An right dea Gilgal side, had one good fo notting buggah. His name Sheba, Bikri boy, from da Benjamin ohana. He go blow da sheep horn trumpet fo call da peopo togedda, an he yell, “Eh, you Israel guys! Go home! Oua land, not part a David land! Us no goin get notting from David, Jesse boy!”

Songs 55:3

Cuz da guys dat stay agains me Tell dey goin bus me up! Da bad guys presha me. Dey make bad kine tings happen fo me. Dey come huhu wit me, An dey like stay lidat fo long time.

Songs 3:2

Plenny peopo tell dis bout me: “No way God goin get dat guy Outa trouble!” (Time out fo da music.)

Songs 55:4

I stay all sore inside. I come all sked dat I goin mahke.