2 Samuel 16:4 - Hawaii Pidgin Bible

⁴ Den da king tell Ziba, “From now, eryting dat Mefiboshet get stay yoas. Cuz I da king, an I give um to you.” Ziba tell, “I go down in front you, boss. I like be da kine guy dat you erytime like. Cuz you, my boss an king.”

2 Samuel 16:4 Referans Kwoze

Smart Guys 18:17

Wen peopo go in front da judge, Da guy dat poin finga somebody talk firs. An he soun like he stay right, Till da odda guy get chance fo tell If da firs guy stay tell da trut.

Smart Guys 18:13

Anybody open dea mout befo dey hear eryting, Dis jalike dey go all out fo do stupid kine stuff, An nobody goin get respeck fo dem.

Smart Guys 19:2

An no good, you go all out fo do someting But you no tink good bout wat you doing. An no good, you rush An come jam up.

Rules Secon Time 19:15

If ony get one guy dat see someting happen, dass not enuff fo tell dat somebody wen do someting bad o do someting wrong. Ony can show proof wit two o three peopo dat see um do um.

Outa Egypt 23:8

No take dirty money notting, cuz dat kine money make da guy dat suppose to know wass right, jalike he blind an no can see notting, an make da judge figga, dat da peopo dat do da right ting, dey da bad guys.

2 Samuel 14:22

Joab go down an put his face on top da groun fo show David respeck. An Joab aks Da One In Charge fo do good tings fo da king. Joab tell, “My boss, I yoa worka guy. Today I know fo shua you like lissen me cuz you do wat I wen aks you fo do.”

2 Samuel 14:4

Wen da wahine from Tekoa go talk to da king, she go down an put her face on top da groun fo show respeck fo him. She tell, “Help me, my king!”

2 Samuel 9:6

Mefiboshet, Jonathan boy an Saul grankid, come by David. He go down on top da groun fo show David respeck. David tell, “Eh Mefiboshet!” Mefiboshet tell, “Az me, an you my boss.”

2 Samuel 9:9

Den King David call Ziba, da guy dat wen work fo Saul befo time. He tell um, “I stay give Mefiboshet, yoa boss grankid, eryting dat Saul an his ohana wen own.

2 Samuel 16:3

Da king aks, “An Saul grankid, dat come from da guy dat was yoa boss, wea he stay?” Ziba tell um, “Dat one, he stay inside Jerusalem, cuz he tink, ‘Today, da Israel ohana goin give me back my granfaddah peopo fo me come king ova dem.’ ”

2 Samuel 16:5

Wen King David come nea Bahurim town, get one guy from da Saul ohana, come outa da town. His name Shimei, Gera boy. Wen he stay come out, he yell fo God put kahuna on top da king fo hurt him.

2 Samuel 19:27

Ziba talk bad bout me yoa worka guy, in front you, my boss da king. But you, you know eryting, jalike one angel from God, so go do wateva you like.

2 Samuel 14:8

King David tell da wahine, “Go home. I goin tell my peopo wat dey gotta do fo help you.”