2 Samuel 16:12 - Hawaii Pidgin Bible

¹² Maybe Da One In Charge goin see dat I stay suffa plenny awready, an dat goin do good fo me, fo pay me back wit someting good afta dis guy put kahuna on top me today.”

2 Samuel 16:12 Referans Kwoze

Hebrews 12:10

Oua faddah guys wen put presha on us guys fo short time fo make us guys learn stuff, an dey put presha da way dey tink az good fo us guys. But God, he put presha on us guys cuz he know fo real kine dass goin help us. Dass why he put presha on us guys fo make us learn stuff fo us come good an spesho jalike him.

Rules Secon Time 23:5

But yoa God, Da One In Charge, get love an aloha fo you guys. Az why he no lissen Balaam. He take da bad ting Balaam like do an make um come good fo you guys.

Rome 8:28

Us guys know dis too: God make eryting come out all good fo da peopo dat get love an aloha fo him. God da one wen pick dem fo do wat he like dem fo do. An God get dis plan from befo time wen he tell um, “Go come! Be my guys!”

Songs 25:18

Try look how bum out I stay, An how weak I stay cuz a all dis! Hemo da shame I get Fo da bad tings I wen do, An let me go.

2 Tessalonika 1:7

An God goin take away da presha, an same ting fo us guys too. All dat goin happen bumbye, wen God let peopo see Da One In Charge, Jesus, stay coming from up dea inside da sky wit his angel guys dat get plenny powa.

1 Samuel 1:11

Hannah make one strong promise to God. She tell, “Eh, you Da One In Charge, Da God Ova All Da Armies, You awesome! An I yoa slave! You know how plenny I stay suffa. So I like fo you no foget me! Take kea me! You my boss, az why. If you give me one boy bebe, I make dis promise: I goin hanai him ony fo you. An jus fo show dat he goin be yoa boy foeva, Nobody goin shave his head, eva!”

2 Corint 4:17

We get plenny big time trouble now, but you know wat? Wen we tink bout how awesome us goin come to da max foeva, den we know all dat trouble ony manini kine!

Isaiah 27:7

Da time Da One In Charge wen bus up da Israel peopo, You tink he wack um mo hard, Den wen he bus up da odda peopo Dat wen bus up da Israel peopo? No way! Da time he wen wipe out da Israel peopo, You tink he wipe um out mo plenny, Den wen he wipe out da odda peopo Dat wen wipe out dem? Not even!

2 Samuel 16:13

So David an his guys no bodda Shimei. Dey jus stay on top da road.

2 Kings 19:4

Maybe yoa God, Da One In Charge, hear eryting da territorial govna guy from Assyria wen tell. His boss, da Assyria king, wen sen him ova hea fo make fun a Da God Dat Stay Alive, an he stay talk bad bout him. Maybe Da One In Charge goin punish him cuz a wat he wen tell. Az why I aks you, Isaiah, fo pray fo all us guys dat still stay alive.”

Songs 109:28

No matta dem guys put kahuna On top me, You goin do good kine stuff fo me. Wen dey attack me, Dey goin come shame, But I goin stay real good inside Cuz I yoa worka guy.

Songs 132:1

Eh! Da One In Charge, No foget King David An how he wen suffa plenny.

Smart Guys 25:22

If you do dat, Da guy goin tink diffren bout you, an feel shame, Jalike you give him hot charcoal fo him take home cuz fire pio. An Da One In Charge, he goin do good stuff fo you.

Smart Guys 26:2

Wen you like put kahuna on top somebody, Jus cuz you no like um, No goin hurt him notting, Jalike no hurt wen da sparrow bird fly all ova da place O da swallow bird zigzag across da sky.

Rules Secon Time 23:6

No make one deal fo come frenz wit da Ammon o da Moab peopo fo do good tings fo dem, eva!

Songs 10:14

But you, erytime dey do humbug kine stuff You see um an make trouble. You know wass happening fo real kine! You get da powa fo pay dem back. Dass why da peopo dat no can fight back Trus you fo take kea dem. You da One dat take kea Da peopo dat no mo faddah o muddah.

Joel 2:14

Maybe he goin turn aroun an show pity. Maybe he goin do good kine stuff fo you guys— Fo you guys make wheat an barley sacrifices an drink sacrifices Fo yoa God, Da One In Charge.