2 Samuel 15:23 - Hawaii Pidgin Bible

²³ All da peopo country side stay cry loud an plenny wen all da peopo wit David go by. Da king go across da Kidron Stream, an all da peopo go da road dat bring um inside da boonies.

2 Samuel 15:23 Referans Kwoze

2 Samuel 16:2

King David aks Ziba, “How come you wen bring all dis stuffs?” Ziba tell, “Da donkeys stay fo you, da king, an yoa ohana fo ride on top. Da breads an fruits stay fo yoa army guys fo eat, an da wine fo help da peopo dat goin come all tired out wen you guys go inside da boonies.”

John 18:1

Wen Jesus pau pray, he cross ova da Kidron Stream wit da guys he stay teach, an dey go inside one garden wit plenny trees.

1 Kings 2:37

Dis da deal: If you go out an go cross da Kidron Stream, you know fo shua dat da same day, you goin mahke, an ony you goin get da blame fo dat.”

Rome 12:15

Wen odda peopo feel real good inside, you feel good inside wit um—an wen dey cry, you cry wit um.

Luke 1:80

Da boy John grow up, an his spirit come strong. He live inside da boonies till da day he come out an da Israel peopo see him.

Matthew 3:3

Befo time, Isaiah, da guy dat talk fo God, talk bout John wen he tell dis: “He goin talk real loud inside da boonies, ‘Eh! Make da road ready fo Da One In Charge! Make da road strait fo him!’ ”

Matthew 3:1

Afta Jesus grow up, John Da Baptiza Guy show up inside da boonies Judea side fo teach da peopo.

2 Records 29:16

Da pries guys go inside da Place Dat Stay Spesho Fo Da One In Charge, fo make um okay fo use. Dey bring out to da open lanai fo da Temple Fo Da One In Charge eryting dat stay pilau da way God see um, dat dey find inside da Temple Fo Da One In Charge. Da Levi guys take all dat stuff, an carry um outside da open lanai fo da Temple, to da Kidron Valley.

1 Kings 15:13

He even kick out his granmuddah Maakah an no show her respeck fo be da ol queen, cuz she wen make one real pilau kine pos fo pray to da wahine god Asherah. Asa cut down da pos an burn um by da Kidron Stream.

2 Samuel 15:22

David tell Ittai, “Kay den! Go march in front!” So Ittai da Gat guy march wit all his army guys an dea odda ohana peopo dat stay wit him.

2 Samuel 15:28

You guys, watch wass happening. I goin wait by da place wea peopo go across da riva fo go inside da boonies. I goin stay dea till somebody come from you guys fo tell me wassup.”

Jeremiah 31:40

Inside da valley wea dey throw da mahke bodies an da ashes, an on da fields on da side a da valley from dea to da Kidron Stream, den to da corna nea da Horse Gate on da east side, all dat goin stay spesho fo me, Da One In Charge. Nobody goin bus up Jerusalem one mo time.”