2 Samuel 14:4 - Hawaii Pidgin Bible

⁴ Wen da wahine from Tekoa go talk to da king, she go down an put her face on top da groun fo show respeck fo him. She tell, “Help me, my king!”

2 Samuel 14:4 Referans Kwoze

2 Samuel 1:2

Day numba three, one young guy show up from da camp wea Saul army guys wen stay. Jus fo show dat he stay sad inside, his clotheses stay rip, an he get dirt on top his head. Wen he come by David, he go down on top da groun fo show David plenny respeck.

1 Samuel 25:23

Wen Abigail see David, she real fas get off her donkey, an go down in front him wit her face on top da dirt fo show um respeck.

1 Samuel 20:41

Afta da boy go, David stan up from da south side a da rock pile. He go down in front Jonathan three time, an put his face on top da groun. Den dey kiss each odda an cry togedda. But David, he cry mo plenny.

2 Samuel 14:5

Da king aks her, “Wat stay bodda you?” She tell, “Fo shua, I one widow. My husban mahke.

2 Samuel 18:28

Den Ahimaaz yell to da king, “Eryting stay good!” He go down in front da king an put his face on top da groun.

2 Samuel 14:22

Joab go down an put his face on top da groun fo show David respeck. An Joab aks Da One In Charge fo do good tings fo da king. Joab tell, “My boss, I yoa worka guy. Today I know fo shua you like lissen me cuz you do wat I wen aks you fo do.”