2 Records 2:7 - Hawaii Pidgin Bible

⁷ “Az why I aks you fo sen me one guy dat stay real smart. Somebody dat work real good wit gold an silva, bronze an iron, purple, red, an blue wool string, an know how fo cut pichas on top metal. He goin work inside Judah an Jerusalem wit my guys dat know how fo do stuff real good too, da ones my faddah David wen make shua dey stay ready fo dis.

2 Records 2:7 Referans Kwoze

Isaiah 60:10

“Peopo from anodda place goin come fix yoa town walls. Dea kings goin help you guys too. Befo time, I wen stay huhu with you guys An wack you guys, But now, I like do good tings fo you guys An show you pity an love.

Isaiah 28:29

So all dis stuff dat da farma guys know, Dass one mo ting dat come from Da One In Charge, Da God Ova All Da Armies. Wen he teach peopo how fo do someting new, Dea jaw drop! Fo shua he know how fo do Importan kine stuff erytime!

Isaiah 28:26

Cuz da God da farma guys pray to Make shua dey know how fo do um, He show um da right way.

1 Kings 7:14

Huram muddah, one widow from da Naftali ohana. His mahke faddah was one Tyre guy dat know how fo make all kine real good stuff from bronze metal. Huram know eryting how fo do um, an know wat fo make wit metal. He know all da kine work he do wit da bronze metal. So Huram come by King Solomon, an he do all da kine work dat Solomon give um.

1 Kings 10:11

(Solomon get stuffs from anodda place too. Da big boats from King Hiram wen bring gold from Ofir, an one big stack red sandalwood, an jewelry stones dat cost plenny.

Ezekiel 27:5

Jalike you one mangus boat, Dey make yoa two decks From da pine trees Mount Hermon side. Dey take one cedar tree from Lebanon Fo make da mast fo you.