2 John 1:11 - Hawaii Pidgin Bible

¹¹ Cuz da guy dat tell him “Aloha,” he stay do da same kine bad stuff dat da bulaia guy stay do.

2 John 1:11 Referans Kwoze

1 Timoty 5:22

No rush an put yoa hands on top somebody fo show you wen pick um fo go work fo God, if you neva check um out real good firs. If you neva, you goin tell “dass good” bout da bad kine stuff da guy stay do. Make shua you stay clean inside.

Efesus 5:11

No go do bad kine stuff wit da peopo dat donno God cuz jalike dey stay dark inside. Da kine stuff dey do ony wase time. Mo betta show erybody how bad dat kine stuff stay.

Jesus Show 18:4

Den I hear anodda voice from da sky. God tell, “Eh, my peopo, get outa dea! So you guys no goin do Da bad kine stuff da peopo inside Babylon do! An you no goin get all da big troubles dat town goin get.

Songs 50:18

If you see one guy dat rip somebody off, Make you feel good inside. You hang out wit da kine peopo Dat stay fool aroun Behind dea wife o dea husban back.

Hebrews 5:13

Wat dat mean, “bebes dat ony breas feed”? Anybody dat donno da right tings fo do, dey jalike one small bebe.

Jude 1:23

You guys gotta give da odda guys chance so dey no come wipe out, jalike you hemo someting outa da fire so no burn up. But watch out you no do pilau kine stuff jalike dey wen do.