2 Corint 6:15 - Hawaii Pidgin Bible

¹⁵ Christ an Satan no can tink togedda da same way. Da guy dat trus God an da guy dat no trus him no can work togedda.

2 Corint 6:15 Referans Kwoze

1 Kings 18:21

On top Mount Carmel, Elijah go in front all da peopo. He tell, “You guys gotta make up yoa mind right now, one way o da odda way! If Da One In Charge stay God fo real kine, go wit him! But if Baal stay God fo real kine, go wit him!” Da peopo, dey no say notting.

1 Timoty 5:8

If get somebody dat no take kea his ohana, an even mo his muddah an faddah an wife an kids, dass jalike he bag an tell he donno God. He mo worse den da guy dat no trus God notting.

Jesus Guys 8:20

Peter tell him, “You an yoa money goin mahke togedda! Cuz you tink dat you can buy wass one gif from God wit yoa money!

Jesus Guys 5:14

Den plenny mo guys an wahines trus Da One In Charge, an come togedda wit dem.

Mark 16:16

Whoeva trus da Good Stuff Bout Me an get baptize, God goin take dem outa da bad kine stuff dey do. But whoeva no trus dat, God goin tell dey gotta take da blame fo all da bad kine stuff dey wen do.

Ezra 4:3

But Zerubbabel, Jeshua, an da odda leada guys fo da Israel peopo tell um, “Dis job fo build da Temple, az fo us guys, not fo you guys. Ony us guys, da ones dat goin build da Temple Fo Da One In Charge, da God fo us Israel peopo. Cuz dass how King Cyrus Persia side wen tell us we gotta do.”

Local Leadas 19:22

Wen dey stay feel good, some good fo notting kine guys from da town come aroun da house. Dey poun da door, an yell to da ol guy dat own da house, “Bring out da guy dat come yoa house! Us guys like make sex wit him!”

Local Leadas 20:13

Now, give up dose no good kine guys from Gibeah, fo us kill dem fo throw out dis real bad kine stuff from Israel.” But da Benjamin guys no lissen da odda Israel guys.

1 Samuel 2:12

Eli boys, cuz dey no mo respeck fo Da One In Charge, dey pilau kine guys an dey do bad kine stuff.

1 Corint 6:6

But one braddah go take anodda braddah in front da judge! Mo worse, da judge no even trus God!

1 Peter 1:21

Cuz a wat Christ wen do, you guys can trus God plenny. God wen make Christ come back alive! He make him come awesome to da max! Az why now, God da One you guys stay trus. An him da One you stay wait fo.