2 Corint 6:13 - Hawaii Pidgin Bible

¹³ Now I goin talk to you guys jalike you my kids. Give us love an aloha, jalike how we wen give you guys.

2 Corint 6:13 Referans Kwoze

3 John 1:4

Dis da ting dat make me stay good inside to da max: wen I hear dat my kids stay do da true kine tings.

1 John 3:18

My good frenz, no show love wit talk ony. You gotta show da kine love dass fo real, an do good kine tings fo erybody!

1 John 3:7

My good frenz, no let nobody bulai you guys. Whoeva stay do da right kine tings, dey stay right, jalike Christ stay right.

1 John 2:1

Eh, my good frenz! I stay write dis stuff to you guys, so you no do bad kine stuff. But wen get somebody dat do bad kine stuff, us get one Guy dat stay talk to da Faddah fo us guys. Dass Jesus Christ, da Spesho Guy God Wen Sen. He erytime stay do da right ting.

1 Tessalonika 2:11

We wen treat erybody jalike one faddah treat his kids.

Galatia 4:12

Eh, my braddahs an sistahs, I beg you guys fo come jalike me, an no stick wit da Rules fo try get um right wit God. I like fo you guys come jalike me cuz I wen come jalike you guys. Da time I was wit you guys, you guys neva do notting fo hurt me.

Mark 11:24

Dass why I tell you guys, wen you pray, eryting you tell God you like him fo do, trus him jalike you get um awready, an dass wat goin happen.

Songs 81:10

Me, Da One In Charge, Da God dat wen bring you hea Outa da Egypt land. If you stay ready fo take Wat I like give you, I goin give you plenny! Jalike you open yoa mout fo eat An I give you plenny food!

Galatia 4:19

You guys jalike my kids. Jalike wen one wahine born one bebe, I suffa fo you guys one mo time till you guys come mo an mo tight wit Christ.

Songs 119:32

Weneva you tell me fo do someting, I goin run fo go do um, Cuz you help me fo undastan stuff Mo betta erytime!