2 Corint 1:4 - Hawaii Pidgin Bible

⁴ He give us good kine words weneva we get hard time, an cuz a dat, us can give good kine words to da odda peopo dat get any kine hard time. We give dem good kine words jalike God wen give us.

2 Corint 1:4 Referans Kwoze

1 Tessalonika 5:11

So den, give each odda good kine words, an help each odda come mo solid inside, jalike you guys stay do awready.

Isaiah 51:12

Da One In Charge tell, “Me, I da One Dat give you guys good kine words An make you feel good. But how come you sked a peopo Dat ony goin mahke bumbye?! Da peopo dat goin mahke jalike da grass?!

Isaiah 40:1

Dis wat yoa God tell you guys: “Make my peopo come so notting bodda dem! Help um feel good inside!

Songs 32:7

You, you jalike one place Wea I can hide from trouble. You proteck me wen get hard time. You put peopo aroun me Dat yell plenny Cuz dey stay good inside, Cuz you wen get me outa trouble. (Time out fo da music.)

Hebrews 12:12

Eh you guys! Jalike da Bible tell, “Wen yoa hands stay drop stuff an yoa knees come weak, make um come strong!”

John 14:18

“I no goin leave you guys all alone. I goin come back by you guys.

John 14:16

I goin aks my Faddah, an he goin give you guys anodda One fo kokua you guys. An dat One goin stay wit you guys foeva.

Isaiah 12:1

Dat time, you goin tell, “I goin sing fo tell Da One In Charge he da greates! I goin tell erybody dat you good, Da One In Charge. No matta you was huhu wit me, Now you no stay huhu wit me no moa, An you take away da sore from inside me.

John 14:26

My Faddah, bumbye he goin sen you guys his Good An Spesho Spirit fo kokua you guys fo me. He goin teach you guys eryting, an help you guys no foget all da stuff I wen tell you guys awready.

Isaiah 52:9

Sing togedda cuz you guys stay feel real good inside, No matta Jerusalem town still stay all bus up! Dass cuz Da One In Charge take away da sore Dat his peopo feel inside. He pay da price Fo get da Jerusalem peopo outa trouble.

Songs 32:5

But den, I wen tell you fo real kine Dat I wen do bad tings, An I no try fo hide no moa Wat I know was wrong fo me do. I wen make up my mind, Dat I goin tell Da One In Charge All da tings I wen do agains you. Cuz a dat, you wen let me go, An hemo da shame Fo da bad tings I wen do. (Time out fo da music.)

1 Tessalonika 4:18

So den, go give each odda dis kine good words, jalike I stay tell you guys now.

2 Corint 7:13

All dis make us feel mo betta inside. You guys wen help Titus feel real good inside fo notting bodda him. An dat make us guys feel real good inside too.

Isaiah 51:3

“Az cuz Da One In Charge goin help da Jerusalem peopo So dey no stay sad no moa Bout all da stuff stay bus up ova dea. He goin make da boonies come Jalike how he wen make da place Eden side. Da dry up country goin come Jalike one garden fo Da One In Charge. Da peopo ova dea goin feel real good inside, An dance an sing. Dey goin tell Da One In Charge, ‘Mahalo plenny!’ an dey goin sing.

Songs 86:17

Do someting fo me fo show You get one good heart fo help me. Den, wen da peopo dat hate me see dat, Dey goin come plenny shame, Cuz you Da One In Charge, you help me, An you make um So notting bodda me.

Songs 66:16

All you peopo dat feel Sked an shaking in front God, Go come ova hea an lissen up! I goin tell da story Bout eryting God wen do fo me.

Isaiah 49:10

Dey no goin come hungry o thirsty. Da hot an dry sun no goin burn dem. Me, Da One In Charge, da One dat get love an aloha fo dem, I goin give dem chance, An show dem wea fo go, An bring dem wea get pukas fo watta.

Philippi 1:14

An cuz I stay in prison, mos a my odda braddahs an sistahs dat stay tight wit Da One In Charge, dey stay come mo an mo shua bout wat dey stay do. Now dey get da guts fo tell peopo wat God tell, an no need come sked.

2 Corint 7:4

I no need worry notting cuz I trus you guys fo real kine. I talk big bout you guys. You guys kokua me plenny. No matta us guys get all kine trouble, but still yet I feel real good inside.