1 Timoty 1:11 - Hawaii Pidgin Bible

¹¹ Da true teaching come from da Good Stuff From God dat God wen trus me fo tell. An God, he da God dat stay awesome an good inside.

1 Timoty 1:11 Referans Kwoze

Galatia 2:7

But dem guys find out dat God trus me fo tell da Good Stuff Bout Him to da peopos dass not Jews, jalike how Peter tell um to da Jew peopo.

Titus 1:3

An den, da right time, he sen some guys all ova fo talk to da peopo, fo show dem eryting he like tell. An he sen me too. God wen trus me fo talk to da peopo lidat. God, he da One dat take us outa da bad kine stuff.

1 Timoty 6:15

God goin bring back Jesus wen he stay ready. He God, da One dat stay good inside fo real kine. He da ony One dat run eryting. He da King ova all da odda kings, An Da One In Charge ova all da odda bosses.

2 Corint 4:4

Satan, he jalike da god fo da peopo nowdays. He make some peopo fo dem no undastan. Az da peopo dat no trus Da One In Charge fo real kine. Dass jalike dey no can see da light. Dey no can undastan da Good Stuff bout how awesome Christ stay, da One dass same same jalike God. Jesus jalike one picha fo show how God stay.

Rome 2:16

Dass how goin be bumbye wen God goin make Jesus Christ da Judge fo da secret stuff inside erybody. Dass wat da Good Kine Stuff From God tell, an dis wat I stay teach.

2 Timoty 2:2

You wen hear plenny kine stuffs from me, an had plenny odda peopo dea too dat wen hear eryting I tell you. Now, you gotta go pick peopo dat you can trus, an den, put dem in charge a all dat stuff. Dis wat I mean, pick peopo dat know how fo teach odda peopo da same tings I wen teach you.

2 Timoty 1:14

Make shua you no change all da good kine stuffs Jesus give you fo teach. Da Good An Spesho Spirit goin help you fo take kea all dat, cuz he stay in charge a all us guys.

2 Timoty 1:11

God wen make me one messenja guy fo tell da Good Stuff From God. He wen sen me all aroun fo teach.

1 Timoty 6:20

Eh Timoty, no let nobody change wat me an da odda church leadas wen tell you fo teach. No lissen da junk kine talk dat make jalike God notting. No make argue wit da peopo dat talk like dey know plenny, but dey bulai.

1 Timoty 2:7

Dass why God wen pick me, an sen me all ova da place fo tell da Good Stuff to all da diffren peopos dass not Jew guys. He like me teach dem fo dem trus da true stuff. Eh, I no bulai. Wat I stay telling you stay true.

1 Tessalonika 2:4

No way! But God wen check us guys out awready, an he know he can trus us guys fo tell da Good Kine Stuff from him. Dass how come us guys talk lidat bout da Good Kine Stuff From God. Us guys, we no stay try fo do wat all da peopo like. We ony stay try fo make God stay good inside! Cuz he da One stay tes us fo see how we stay.

Colosse 1:25

I one worka guy fo da church guys cuz dass my kuleana dat God wen give me fo teach you guys eryting God tell.

Efesus 3:10

But now, God like use his church peopo fo show all da leada guys an all da guys wit powa dat stay inside da sky, dat God know wat fo do bout eryting fo real kine.

Efesus 2:7

God do all dat fo show proof foeva an eva dat he wen go all out fo do plenny good stuff fo kokua us cuz we stay tight wit Jesus Christ.

Efesus 1:12

God do all dat, cuz he like fo us guys dat trus Christ firs, show da oddas how awesome God stay. Den da odda peopo goin tell how awesome he stay too.

Efesus 1:6

God like his kids fo tell how awesome all da good kine tings he stay do fo us. God do good tings fo us cuz we stay tight wit Christ, an God get plenny love an aloha fo Christ.

2 Corint 4:6

God wen tell, “From da dark place, I like da light fo shine,” an he make his light shine inside us guys! Wen we look at Christ face, az jalike God give us da light fo undastan how awesome God stay.

1 Corint 9:17

If I wen do all dis stuff ony cuz I like, den da stuffs I get, jalike da money I get fo do one job. But if I do um cuz I gotta do um, den az jalike God stay trus me fo take kea his stuffs fo him.

Luke 2:14

“Up inside da sky wea God stay, He stay awesome! An ova hea on top da earth, If God like wat peopo stay do, He goin make dem So notting bodda dem.”

Songs 138:2

I goin face da Temple Dat stay spesho fo you Wen I go down fo pray. Dis fo show you love an respeck. I goin tell good tings bout you, Cuz I know who you. Cuz you erytime stay tight Wit yoa peopo, An cuz us guys can trus you Fo do wat you tell you goin do. Dass cuz you do wat you promise fo do, An dass da mos importan ting Peopo know bout you.