1 Samuel 30:1 - Hawaii Pidgin Bible

^1-2 Dis wat happen den. Same time wen David dem stay come, da Amalek guys stay rip off stuffs inside da Negev Boonies an Ziklag town. Dey attack Ziklag an burn um. Dey grab da wahines an erybody dat stay ova dea, da young ones an da ol ones too. Dey no kill nobody, but make dem go wea da Amalek guys like go. Three day afta David an his guys go way from Akish, dey come Ziklag.

1 Samuel 30:1 Referans Kwoze

1 Samuel 29:11

So David an his guys get up early morning time fo go back da Filisha peopo land, an da Filisha guys go Jezreel fo fight dea.

1 Samuel 15:7

Den Saul guys wack da Amalek peopo all da way from Havilah to Shur, by da east side a Egypt.

1 Samuel 29:4

But da Filisha officer guys come huhu wit Akish, an tell him, “Make da buggah go back dea to da town wea you wen tell him fo stay in charge! No way he goin go wit us guys fo fight! Bumbye, he goin change his mind an go agains us guys wen we stay fight! Maybe he tink, if he go cut off oua guys heads fo shua King Saul goin let him come back!

Joshua 11:6

Da One In Charge tell Joshua, “No sked fo face dem. Cuz dis same time tomorra, I goin make all dem fall down mahke in front you Israel guys. You goin cut dea horses back legs fo dem no run, an burn up dea war wagons.”

2 Samuel 1:2

Day numba three, one young guy show up from da camp wea Saul army guys wen stay. Jus fo show dat he stay sad inside, his clotheses stay rip, an he get dirt on top his head. Wen he come by David, he go down on top da groun fo show David plenny respeck.

Start 24:62

Dat time, Isaac come back by his faddah guy Abraham from Beer-Lahai-Roi side cuz he live inside da Negev.

Joshua 15:31

Ziklag, Madmannah, Sansannah,

1 Samuel 15:8

He catch Agag da Amalek king but he no kill um. He wipe out all da Agag peopo wit swords, jalike dey was one sacrifice fo God.

1 Samuel 27:6

Dat same day, Akish give David da right fo be da main man Ziklag town. (Az why dat town, laytas stay unda da Judah kings, an not da Filisha kings.)

1 Samuel 30:14

All us guys wen rip off stuff from da boonies wea da Keret peopo live Negev side, an da part da Judah peopo own, an da boonies wea da Caleb ohana live inside da Negev. Ziklag town, we burn all dat too.”

2 Samuel 1:1

Afta Saul mahke, an afta David win da fight ova da Amalek guys, he stay Ziklag town two day.

2 Samuel 1:8

“Saul aks me, ‘Who you?’ “I tell um, ‘I one Amalek guy.’

2 Samuel 15:18

All his palace guys march by in front him, wit all his bodyguard guys from da Keret an Pelet peopo. All da six hundred Filisha infantry guys dat come wit him from Gat, dey march pass in front King David.

1 Records 12:21

Dey help David go afta da steala guys dat come togedda fo rip off peopo. Cuz all dem Manasseh guys, dey real good army guys, an dey stay ready fo make war. Dey come da main leada guys fo David army.

Jeremiah 41:12

Dey take all dea guys, an go fo fight Ishmael, Netaniah boy. Dey catch um up nea da big pool Gibeon side.

1 Samuel 29:10

So, morning time, get up early, you an da odda guys. Befo time dey wen work fo yoa boss Saul too, an now dey come wit you. Go back wen get light to da town I wen give you guys.”

1 Records 12:22

Ery day mo guys come fo help David, till he get one big awesome army.