1 Samuel 27:11 - Hawaii Pidgin Bible

¹¹ David no leave nobody alive, guys o wahines, cuz he figga, “If somebody stay alive, bumbye somebody goin bring dem Gat side, an dey goin tell wat us guys wen do fo real kine.” Az how David wen tell his guys fo ack, all da time he live inside da Filisha country side.

1 Samuel 27:11 Referans Kwoze

Smart Guys 29:25

Anybody stay sked an shaking Cuz a how dey tink odda peopo tink bout dem, Az jalike one trap dat catch da guy dat stay sked. But anybody stay trus Da One In Charge, Da One In Charge goin make shua notting hurt dem.

Smart Guys 12:19

Wen you tell da trut, Erybody goin know az right, No matta how long time afta. But wen you bulai, Short time awready, dey know az wrong.

1 Samuel 22:22

Den David tell Abiatar: “Dat time, wen Doeg da Edom guy stay dea, I wen know fo shua he goin tell Saul. Cuz a me, Doeg wen trap all da peopo from yoa faddah ohana an he kill um.

1 Samuel 27:10

Weneva Akish tell David, “Wea you guys wen go dis time fo rip off stuff?” David tell um, “Da south part a da boonies Judah side,” o “Da south part a da boonies wea da Jerahmeel peopo live,” o “Da south part a da boonies wea da Ken peopo live.”

1 Samuel 27:12

Akish start fo trus David, cuz he tink, “Da way dis guy ack, he make his peopo, da Israel peopo, hate him! Az why he goin work fo me long time.”

Jeremiah 41:4

Da day afta dey kill Gedaliah, an befo odda peopo know bout dis,