1 Samuel 23:26 - Hawaii Pidgin Bible

²⁶ Get one time, Saul dem go by one side a one mountain, an David an his guys stay on top da odda side. Dey sked, so dey move real fas fo run away from Saul. But Saul an his guys stay come mo an mo nea David an his guys fo go all aroun dem fo catch dem.

1 Samuel 23:26 Referans Kwoze

Songs 17:9

So den da bad kine peopo Dat like wipe me out, no can. Get peopo dat stay agains me an like kill me. Dey come all aroun me.

Jesus Show 20:9

Dey march da odda side a da earth, an make one big circle aroun da peopo dat stay spesho fo God inside dea town. Dass da peopo God get love an aloha fo. But God sen one big fire from da sky on top da odda peopo, an dey get wipe out.

2 Corint 1:8

Oua braddahs an sistahs, we like you guys know da hard time we wen get ova hea West Asia side. Us had plenny presha, mo plenny presha den us can handle. Us even wen give up an figga we goin mahke.

Songs 31:22

Me, I wen come sked, an right den an dea I wen yell, “Eh! I stay cut off from you, Da One In Charge!” But you wen hear me Yell to you fo help me An you wen help me.

Songs 22:16

Da bad guys come all aroun me Jalike wild dogs dat stick togedda. Jalike one gang, dey come close fo hurt me. Jalike one lion, dey rip into my hands an feets.

Songs 22:12

Da guys dat stay agains me, Dey come all aroun me Jalike plenny wild bull from Bashan side Trap me.

Songs 17:11

Dey stay come nea me now, all aroun me, Dey wait fo throw me down on top da groun.

2 Records 20:12

You oua God, so try punish dem! Cuz us no mo powa fo go agains dis big army dat stay come fo attack us guys. Us guys, we donno wat we gotta do, but we trus you fo help us!”

2 Samuel 15:14

David tell all da palace guys dat stay wit him inside Jerusalem, “Go come! Us gotta run, o no mo nobody from us goin get away from Absalom. Us gotta bag right now! Cuz he goin come real fas wea we stay, an throw us guys outa hea, an his guys goin kill all da peopo inside Jerusalem town wit dea swords.”

1 Samuel 20:38

Den Jonathan yell, “Quick! Hurry up! No stop!” So da boy pick up all da arrows, an come back by his boss.

1 Samuel 19:12

So Michal help David fo go down outa one window, an he run outa dea.

Local Leadas 16:2

Somebody tell da Gaza peopo, “Samson stay hea!” So dey all go aroun wea he stay. All nite dey stay hide, fo jump him by da town gate. Dey stay real quiet, nite time. Dey tell, “Wen da sun come up we goin kill da buggah!”

1 Samuel 23:25

Saul an his guys go out fo try find David. Somebody go tell David bout dem, so David go mo down wea get one mangus rock, an he stay inside da boonies nea Maon town. Wen Saul hear dat, he go inside da boonies too nea Maon an chase afta David.

1 Samuel 23:27

But right den, one messenja guy come by Saul an tell um, “Go come quick! Da Filisha guys stay rip off da peopo inside oua land!”