1 Samuel 20:41 - Hawaii Pidgin Bible

⁴¹ Afta da boy go, David stan up from da south side a da rock pile. He go down in front Jonathan three time, an put his face on top da groun. Den dey kiss each odda an cry togedda. But David, he cry mo plenny.

1 Samuel 20:41 Referans Kwoze

1 Samuel 18:3

Jonathan make one deal wit David cuz he get love an aloha fo David da same way he get fo him.

Start 29:11

Afta, Jacob go kiss Rachel, an he start fo cry plenny.

Jesus Guys 20:37

Dey all cry an dey hug him an kiss him bye.

2 Samuel 19:39

So dass how all da peopo go da Jerusalem side a da Jordan Riva. Da king go dea too. Da king kiss Barzillai, an tell God fo do good kine stuff fo him. Afta dat, Barzillai go back his place.

2 Samuel 9:6

Mefiboshet, Jonathan boy an Saul grankid, come by David. He go down on top da groun fo show David respeck. David tell, “Eh Mefiboshet!” Mefiboshet tell, “Az me, an you my boss.”

2 Samuel 1:26

I stay all bum out cuz you mahke, Jonathan my braddah! You wen make me feel real good inside. Yoa aloha fo me was awesome! Mo awesome den da kine love from one wahine!

1 Samuel 25:23

Wen Abigail see David, she real fas get off her donkey, an go down in front him wit her face on top da dirt fo show um respeck.

1 Samuel 10:1

Den Samuel take some olive oil dat he get inside one small clay kine pitcha, an pour um on top Saul head, an he kiss Saul on his face. Samuel tell, “Da One In Charge wen pick you fo come da leada ova his peopo, you know.

Start 45:15

Den Joseph kiss all his braddah guys an cry wen he hug um. An afta dat, Joseph an his braddah guys talk story plenny togedda.

Start 43:28

Dey tell um, “He stay good, oua faddah guy, an he like come yoa worka guy. He still stay alive.” An dey go down on top da groun one mo time fo show um respeck.

Start 29:13

Wen Laban hear dat his sistah boy Jacob stay come, he run fo tell um aloha. Laban hug Jacob, an give um one kiss, an bring um inside da house. Jacob tell Laban eryting dat wen happen,

Start 42:6

Dat time, Joseph was da guy in charge a all da land, Egypt side. Was him dat stay sell da food to all da peopo inside dat land. Joseph braddah guys go by him, an dey go down in front him, an put dea face on top da groun fo show um respeck.

1 Samuel 20:40

Den Jonathan give his bow an arrows to da boy dat help um, an tell um, “Take um, an go back town side.”

Start 33:4

Esau run to Jacob fo tell um aloha. Esau give his braddah Jacob one big hug, an kiss um, an dey cry togedda.

1 Samuel 24:9

He yell to Saul, “Hui! King Saul! You wen lissen wen peopo tell you I stay try fo hurt you. How come?! No lissen dem!

2 Samuel 1:2

Day numba three, one young guy show up from da camp wea Saul army guys wen stay. Jus fo show dat he stay sad inside, his clotheses stay rip, an he get dirt on top his head. Wen he come by David, he go down on top da groun fo show David plenny respeck.

2 Samuel 14:4

Wen da wahine from Tekoa go talk to da king, she go down an put her face on top da groun fo show respeck fo him. She tell, “Help me, my king!”

1 Kings 1:16

Batsheba go down on top da groun fo show respeck fo da King. Da King tell, “Wat you like?”

1 Kings 1:23

Da palace guys tell da King, “Look! Nathan, da guy dat talk fo God, stay hea.” Nathan come in front da King, an go down an put his face on top da groun fo show um respeck.

1 Kings 1:31

Batsheba go down an put her face on top da groun fo show respeck fo da King. Den she tell, “King David, you my boss! I like you live foeva!”