1 Samuel 16:12 - Hawaii Pidgin Bible

¹² So Jesse sen somebody fo bring David dea. David stay healthy, get one good tan an nice kine eyes. He real good looking. Den Da One In Charge tell Samuel, “Quick! Pour da oil on top him cuz him he da one!”

1 Samuel 16:12 Referans Kwoze

Sad Song 4:7

Da Jerusalem guys dat make da Nazir kine promise Wen look mo bright den da snow An mo pure den da milk. Dea bodies look good an strong, Jalike da red coral An da blue lapis lazuli stone.

Love Song 5:10

Da one I love shine bright! He strong looking! He mo betta den ten tousan oddas!

Jesus Guys 7:20

Dat time Moses born. Erybody tink he look real nice. Fo three month dey hide Moses an take kea him inside his faddah house.

Jesus Guys 4:27

“An dass wat wen happen! Had King Herod an da govna Pontius Pilate, an da peopo dass not Jew guys, an da Israel peopo. Dey all come togedda inside dis town fo make one plan how dey goin kill Jesus. He yoa Good An Spesho Worka Guy, da One You Wen Sen.

1 Samuel 17:42

Goliat check out David. He see dat he ony one boy, healthy an good looking. Goliat figga, “Poho! Dis kid, wase my time!”

1 Samuel 9:17

So wen Samuel spock Saul, Da One In Charge tell Samuel, “Right dea! Dass da guy I wen tell you bout! He goin lead my peopo!”

Start 39:6

Potifar neva even make Joseph show him da receipts. Da ony ting Potifar tink bout was wat kine food he like eat nex time. Joseph was one good looking guy.

Hebrews 11:23

Moses muddah an faddah, dey wen trus God. Dass why, afta he born, dey hide him fo three month cuz dey see dat he one spesho bebe. Dey no sked da king, no matta he wen tell, “Gotta kill all da Hebrew boys!”

Songs 2:6

“No matta wat you guys tink, I awready wen give My king guy da powa Fo stay in charge fo me! He da king on top Zion Hill, Jerusalem town, On top da mountain Dass spesho fo me!”

Songs 2:2

Get king guys all ova da world stan up An tell wat dey goin do. Da leada guys come togedda fo talk Agains Da One In Charge An agains da spesho guy He pick fo come king!

Outa Egypt 2:2

Da wahine, she come hapai an born one boy. She see dat da bebe good looking, so she hide um fo three month.

1 Samuel 17:55

Befo dat, wen David stay go out fo fight da Filisha guy, Saul watch David, an aks General Abner, “Eh, Abner! Who dat boy faddah?” Abner tell, “Eh, garans, I donno!”

2 Samuel 7:8

“Now tell my worka guy David: ‘Dis da message from me, Da One In Charge, Da God Ova All Da Armies: I da One wen take you outa da grass fields wea you take kea da sheeps. I wen pick you fo come da leada ova my Israel peopo.

2 Samuel 23:1

Dis da las poem David wen make fo da peopo: “Dis da message fo my peopo from me, King David. My faddah, Jesse. Dis da message from me, Da guy dat God wen make importan, Da one God wen tell Samuel put oil on top my head Fo show God wen pick me. Az da same God Jacob wen pray to, you know! Dis da guy dat make sweet songs Fo da Israel peopo.

1 Kings 1:34

Wen he come dea, I like fo Zadok da pries guy an Nathan da guy dat talk fo God, put olive oil on top his head fo show he goin be da King fo da Israel peopo. Den, tell my guys fo blow da trumpets, an tell erybody fo tell dis, ‘Us like King Solomon live long time!’

Songs 78:70

God wen pick David, his worka guy. He wen tell David fo leave da sheeps Dat he take kea of.

Zekariah 4:14

So he tell me, “Dese branches, dey da two guys dat Da One In Charge wen pick. He put olive oil on top dea heads fo show dey work fo him, da Boss fo all da world.”

1 Samuel 16:18

One a da worka guys tell, “You know wat?! I wen see one a Jesse boys from Betlehem dat fo real kine know how fo play da harp. He no sked fo fight, an know how fo fight. He erytime tink befo he talk. An he good looking. Da One In Charge stay tight wit him.”