1 Samuel 11:5 - Hawaii Pidgin Bible

⁵ Right den an dea, Saul come back from his fields wit da cows he use fo plow da groun, an he aks somebody, “Eh! Wassup?! Wassamatta wit da peopo? How come dey stay crying?” So da Gibeah peopo tell him da story, wat da guys from Jabesh wen tell.

1 Samuel 11:5 Referans Kwoze

1 Kings 19:19

Den Elijah leave Mount Sinai. Firs, he go find Elisha, Shafat boy. Elisha stay inside one big field wit eleven odda guys. Dey all stay plowing, all dem wit two cow fo pull da plow. Elisha too stay plow, he da las guy. Elijah go inside da field by Elisha an put his blanket aroun Elisha.

Isaiah 22:1

Me Isaiah, I get heavy kine stuff fo tell bout wat I see goin happen to da Jerusalem peopo: Dis wat God tell bout da place Wit mountains all aroun, Wea can see wat goin come bumbye. “Wassup wit all you guys?! How come erybody go up on top yoa flat roof?!

1 Samuel 9:1

Had one guy from da Benjamin ohana, dat erybody know, Kish, Abiel boy. Dea ancestas, Zeror, Bekorat, an Afiah.

Local Leadas 18:23

Da Micah guys yell at da Dan guys. Da Dan guys turn aroun an tell Micah, “Bodda you?! How come you yell to yoa guys fo fight?!”

Start 21:17

Same time, da boy pray to God, an God lissen him. One angel messenja guy from God call out to Hagar from da air. He tell her, “Hui! Hagar! Wassup wit you? No sked! Cuz da boy wen pray ova dea, an God lissen awready.

Songs 78:71

God wen bring David back From wea he help da muddah sheeps Wit dea bebes, Cuz God like fo David Take kea God peopo, da Israel peopo.