1 Records 6:3 - Hawaii Pidgin Bible

³ Amram kids: Aaron, Moses, an Miriam. Aaron boys: Nadab, Abihu, Eleazar, an Itamar.

1 Records 6:3 Referans Kwoze

Prieses 10:1

Laytas, two a Aaron boys, Nadab an Abihu, take pans fo burn incense, light fire inside um, an put incense powda on top da stuff dat stay burn. Dey bring in front Da One In Charge da wrong kine fire, not da kine from da altar dat God wen tell um fo use.

Outa Egypt 6:20

Amram wen marry Jokebed. She Amram faddah sistah. Jokebed wen born Aaron an Moses fo Amram. (Amram, he wen live 137 year.)

Prieses 10:12

Moses tell Aaron an his boys dat still stay alive, Eleazar an Itamar, “Take da res a da sacrifice wit da wheat dat still yet stay from da sacrifices da peopo make wit fire fo Da One In Charge, an eat da bread part dat no mo yeast by da side a da altar, cuz dat bread, real spesho fo me.

Outa Egypt 15:20

Den Miriam, dass Moses an Aaron sistah, she talk fo God too. She pick up one tammorine. She start fo dance, an all da odda wahines, dey go pick up tammorine too an dance in circle wit her.

Micah 6:4

Fo shua, you guys know, I wen bring you guys outa da Egypt land. I wen pay da price fo take you guys outa dea, Wea you guys was slave guys. I wen sen Moses fo lead you guys, An Aaron an Miriam too.

1 Records 23:13

Da ones dat come from Amram: Aaron an Moses. Aaron an his boys come one spesho blood line foeva. Az cuz dey da ones get da kuleana fo make tings come spesho fo Da One In Charge. Dey make da sacrifices in front Da One In Charge. Dey do all da religious pries kine stuff fo him. Dey tell God fo do good tings fo da peopo foeva, cuz da Aaron guys, dey Da One In Charge guys.

Prieses 10:16

Wen Moses aks Eleazar an Itamar, Aaron two boys dat still stay alive, bout da goat fo da sacrifice cuz dey wen do bad kine stuff, he find out dat dey burn um up awready. Az why he come huhu wit dem. He tell,

Outa Egypt 28:1

“Moses, tell yoa braddah Aaron an his boys fo come in front you: Aaron, His boys Nadab an Abihu, Eleazar an Itamar, I wen pick dem outa all da Israel peopo cuz I like dem be da pries guys fo me.

Outa Egypt 24:1

Den God tell Moses, “Go come up hea on top da mountain, by me, Da One In Charge. Bring Aaron an his boys Nadab an Abihu. Bring seventy a da older leadas fo da Israel peopo. Wen you guys still far away from da top, start fo go down in front me.

Outa Egypt 6:23

Aaron wen marry Elisheba. She Amminadab daughtah an Nakshon sistah. Elisheba wen born Nadab an Abihu an Eleazar an Itamar fo Aaron.

Outa Egypt 2:7

Da older sistah, she go by da Pharaoh guy daughtah. She tell, “Eh, you like I go find one Israel wahine dat get milk? She can feed da bebe fo you, you know.”

Outa Egypt 2:4

Moses older sistah go mo down fo watch wat goin happen wit da bebe.

1 Records 6:2

Kohat boys: Amram, Izhar, Hebron, an Uzziel.

1 Records 6:4

Eleazar da faddah fo Finehas. Finehas da faddah fo Abishua.

1 Records 15:10

From da Uzziel ohana, Amminadab da leada, wit 112 ohana guys.

1 Records 23:12

Kohat boys: Amram, Izhar, Hebron an Uzziel, four boys.

1 Records 24:22

From Izhar boys: Shelomot. From Shelomot boys: Jahat.