1 Records 3:10 - Hawaii Pidgin Bible

¹⁰ Solomon boy was Rehoboam. Abijah his boy. Asa his boy. Jehoshafat his boy.

1 Records 3:10 Referans Kwoze

1 Kings 11:43

Den Solomon wen mahke an sleep by his ancesta guys. Dey bury him inside da big town his faddah David wen build. An Rehoboam come da nex king.

2 Records 17:1

Asa boy Jehoshafat come da Judah king afta Asa. He come strong fo stay in charge a Israel too.

1 Kings 15:24

Den Asa mahke. Dey bury him wit his ancesta guys inside David Town, az Jerusalem. An Asa boy Jehoshafat come da nex king.

1 Kings 15:8

Den Abijam mahke, an dey bury him by his ancesta guys inside David Town, az Jerusalem. Abijam boy Asa come da nex king.

1 Kings 14:31

Den Rehoboam mahke jalike his ancesta guys. Dey bury him wit dem inside David Town, az Jerusalem. (Rehoboam muddah name was Naamah, from da Ammon peopo.) Den Rehoboam boy Abijam come da nex king.

2 Records 14:1

King Abijah mahke an dey bury him wit his ancesta guys inside Jerusalem, David big town. Asa, his boy, come king afta him. An all ova da land, eryting stay quiet ten year.

2 Records 13:1

Wen Jeroboam stay king inside Israel eighteen year, Abijah come king inside Judah.

1 Kings 15:6

An all da time Abijam stay live, da Rehoboam an da Jeroboam ohanas still stay make war wit each odda.

1 Records 3:9

All dese David boys, an odda boys by his odda wifes. Tamar dea sistah.

1 Records 3:11

Jehoram his boy. Ahaziah his boy. Joash his boy.