1 Peter 3:14 - Hawaii Pidgin Bible

¹⁴ But no matta you suffa plenny fo da right ting, God goin do good stuff fo you. No sked da same tings dat make odda peopo come sked, an no worry.

1 Peter 3:14 Referans Kwoze

Matthew 10:28

No sked da guys dat can make yoa body mahke, but no can make yoa spirit mahke. But you guys betta come sked a God. He can make yoa body an yoa spirit get cut off from God foeva inside Hell.

2 Corint 12:10

So den, no bodda me. I still stay good inside, wen I no can handle, wen peopo try make me come shame, wen I get hard time, wen peopo make me suffa, an wen I get plenny presha. All dis stuff happen cuz me, I one Christ Guy. Wen I no can handle, den I get da powa fo handle cuz a him!

James 1:12

Wen one guy hang in dea, no matta he get presha fo do someting bad, he can stay good inside. He goin get da kine life dat God wen promise to da peopo dat get love an aloha fo him. Dass jalike God give him da prize, cuz he wen fight da bad kine stuff, an win!

John 14:27

“Wen I go way, I goin make you guys so notting bodda you inside. Ony me can give you dat. All da stuff in da world no can make um so notting bodda you. Ony me can make um so notting bodda you! No come all bus up inside! An no come sked!

John 14:1

“No need you guys come all bodda inside. Trus God, an trus me too.

Mark 10:29

Jesus tell, “Az right! An I stay tell you guys dis: Whoeva give up dea home, dea braddahs, dea sistahs, dea muddah an faddah, dea kids, an dea land, fo stay tight wit me an da Good Stuff From God I stay tell you,

Mark 8:35

If bodda you dat you goin mahke, fo shua you goin mahke. But if you like do eryting you do fo me, an fo teach da Good Stuff From God, an no bodda you if you mahke fo dat, den you goin live fo real kine.

Matthew 19:29

Whoeva give up his houses, his braddahs, his sistahs, his faddah an muddah, his kids, his land, cuz he know who me, bumbye dey goin get hundred times mo plenny, plus, dey goin live to da max foeva.

Matthew 16:25

If bodda you dat you goin mahke, fo shua you goin mahke. But if you like do eryting you do fo me, an no bodda you if you mahke fo dat, den you goin live fo real kine.

1 Peter 3:6

Jalike Sarah, she wen do eryting Abraham tell her fo do an she tell dat he stay in charge. You wahines jalike her, cuz you stay do good kine stuff, an you no need worry bout notting.

Matthew 10:39

Whoeva try hang on to his life goin lose um. An whoeva give up his life cuz he my guy, goin live fo real kine.

Jeremiah 15:15

Den I tell: “You Da One In Charge, you know how I stay. No foget me! You gotta take kea me. Pay back da peopo dat stay come afta me. No wait long time fo get mad wit dem. You gotta get me outa dis! You know how dey make me come shame Cuz I yoa guy.

Jeremiah 1:8

An no sked a dem wen you go in front dem! Cuz I stay tight wit you, an I goin get you outa trouble. I Da One In Charge, an dass wat I tell you!”

Isaiah 51:12

Da One In Charge tell, “Me, I da One Dat give you guys good kine words An make you feel good. But how come you sked a peopo Dat ony goin mahke bumbye?! Da peopo dat goin mahke jalike da grass?!

Philippi 1:29

God let you guys not ony trus Christ, but suffa fo him too.

Matthew 10:31

No sked! Cuz God know you guys worth mo den plenny sparrow birds.

Jesus Guys 9:16

An I goin show him how plenny he goin suffa cuz he my guy.”

Ezekiel 3:9

I goin make you mo hard head den dem, hard jalike da mos hardes kine stone, so you no let dem push you aroun. No sked dem, no matta dey go agains me.”

Smart Guys 3:25

So den you no need come sked an shake all ova. Wen da peopo dat do bad kine stuff get big trouble all one time, You no need worry.

James 5:11

You know wat? Wen we tink bout da peopo dat suffa an no give up, we tell, dey can stay good inside. You no foget da guy Job dat da Bible tell bout? He wen suffa plenny, but he neva give up. An bumbye Da One In Charge wen make eryting good. Cuz Da One In Charge feel pity fo us guys, an give us chance.