1 Peter 3:10 - Hawaii Pidgin Bible

¹⁰ Cuz da Bible tell, “Whoeva like live one good life, An be jalike dat ery day, He gotta no talk bad bout stuff, An no bulai o scam nobody,

1 Peter 3:10 Referans Kwoze

James 1:26

If one guy tink he erytime do wat God like, but no hold back his mout, his religion wase time, cuz he stay fooling ony him!

1 Peter 2:22

Da Bible tell, “He neva do notting wrong. Nobody hear him bulai eva.”

1 Peter 2:1

So den, no do no bad kine stuffs. No bulai nobody. No tell one ting an do anodda. No get jealous. No talk bad.

Jesus Show 14:5

No mo nobody can tell dat dey bulai, cuz dey no bulai. No can poin finga dem.

John 1:47

Jesus spock Natanael stay come by him, an he tell, “Dis guy one fo real kine Israel guy. No mo notting fake inside him! He erytime tell da trut.”

John 12:25

Whoeva like hang on to dea life, dey goin lose um. But whoeva give up dea life in dis world, goin hang on to um, an stay live to da max foeva.

Smart Guys 8:35

Cuz whoeva find me, Dey find da real kine life, An Da One In Charge like do good tings fo dem.

Smart Guys 3:2

Den bumbye you goin live long time, You goin get plenny year fo do plenny stuff, An eryting goin go good fo you.

Matthew 19:17

Jesus tell, “How come you aks me bout da ‘good ting’? Ony get one Guy dat stay good fo real kine, dass God! If you like live to da max foeva, you know da Rules From God? Go do um, den.”

Smart Guys 4:22

Cuz da peopo dat find da stuff I stay tell, Dey come alive fo real kine cuz a dat, An dea body come good, same time.

Smart Guys 3:18

Wen you go all out fo know wat fo do erytime, Az jalike one tree dat get fruits Dat can make you live long time. An wen you try hard fo learn wat fo do an hang in dea, Good tings goin happen to you.

Mark 8:35

If bodda you dat you goin mahke, fo shua you goin mahke. But if you like do eryting you do fo me, an fo teach da Good Stuff From God, an no bodda you if you mahke fo dat, den you goin live fo real kine.

Songs 49:19

But him stay going Wea all his ancesta guys stay, To da place wea dey no goin see Da light no moa.

Songs 27:13

If I neva trus God, den I no goin see How good Da One In Charge stay. But fo shua, I know How good Da One In Charge stay, An fo shua I goin stay alive.

Job 33:28

God wen pay da price, So I no need go inside da Deep Dark Hole! An I goin stay alive fo see da light!’

Job 9:25

“My days go mo fas den one guy dat run fas. Dey fly away, but notting good happen to me.

Rules Secon Time 32:47

Dis, az not stuff dat no mean notting fo you. Dis, az yoa life! If you lissen dis stuff I tell you, you guys goin live long time inside da land da odda side a da Jordan Riva dat you goin take ova.”

Teacha 2:3

I wen try fo feel good from suck um up da wine. I try find out wass goin happen if I do stupid kine stuff. (But same time, I make shua my head show me erytime wass da bestes ting fo do.) I like fo find out wass good fo da peopo do, cuz ony short time dey live hea unda da sky.

Songs 106:5

Cuz wen good tings happen To da peopo you pick, Same ting goin happen to me. I goin feel good inside Wen yoa peopo feel good inside. Wen da peopo dat stay yoas Tell good tings bout you, I goin tell good tings bout you, Jalike dem too.

Job 2:4

Da One Dat Stay Agains God tell Da One In Charge, “Peopo let dea skin get hurt litto bit fo dem keep dea whole skin! But peopo goin give eryting dey get fo dem stay alive!