Us know dat God get love an aloha fo us guys, an us trus him. Da way God stay, he erytime get love an aloha fo erybody. Whoeva live wit love an aloha, dey stay tight wit God an God stay tight wit dem.
But you my Boss. An you da kine God dat pity erybody An you erytime like give dem chance. You no come huhu real fas, You erytime stay tight wit yoa peopo, An dey know dey can trus you.
Aloha, my braddahs an sistahs. Do eryting right. Lissen wat I tell. Tink da same way wit each odda. Be good to each odda. God get plenny love an aloha fo you guys. He goin stay wit you guys all da time an help you guys stay good wit each odda.
You my Boss, an you get one good heart. You stay ready erytime fo let me go Fo da bad tings I wen do, You stay tight wit yoa peopo all da time, Wit da ones dat stay yell Fo you help um.
Dis da stuff Jesus wen tell us guys, an now us tell you guys: God, he real good, an fo shua he no mo notting bad inside him. He good jalike da light, an no mo dark kine stuff bout him.
Dis wat God tell: whoeva tell dey stay inside da light, but hate dea braddah o sistah, jalike dey still stay inside da dark cuz dey no do wat God tell um fo do.
Dis wat show who God kids an who Satan kids: whoeva no do wat stay pono, dey not God kids. Whoeva no mo love an aloha fo dea braddah an sistah, dey not God kids too!