1 John 4:16 - Hawaii Pidgin Bible

¹⁶ Us know dat God get love an aloha fo us guys, an us trus him. Da way God stay, he erytime get love an aloha fo erybody. Whoeva live wit love an aloha, dey stay tight wit God an God stay tight wit dem.

1 John 4:16 Referans Kwoze

1 John 3:24

Erybody dat do wat God tell us fo do, dey stay tight wit God. An God stay tight wit dem. God give us his Spirit, an dass how we know dat God stay tight wit us.

1 John 3:1

Tink bout da kine love an aloha da Faddah wen show us! He even call us his kids! An us his kids fo real kine, you know. Az why da peopo inside da world donno wat kine peopo us, cuz dey donno God.

1 John 3:16

Dass why us know how fo show love an aloha fo real kine: cuz Christ wen give his body fo mahke fo us guys! So den, us gotta be ready fo do da same kine ting fo oua braddahs an sistahs.

1 Corint 2:9

Az why da smart kine stuff from God, az jalike da Bible tell, “Get tings you neva see befo time, Get tings you neva hear bout befo time, You no can even figga how unreal dis ting goin be. Dass da kine stuff God make ready Fo us guys dat get love an aloha fo him.”

Songs 31:19

Eh God! You awesome, How good you stay! You stash plenny good tings Fo da peopo dat feel jalike dey sked Wen dey stay in front you. You do plenny Fo help da peopo dat come by you Fo you take kea dem. You do good tings fo dem In front erybody.

John 6:69

An us guys trus you, cuz we know dat you da Good An Spesho One from God.”

Isaiah 64:4

From da time eryting start, Nobody eva hear o see Some odda god dat do awesome stuff Fo da peopo dat stay wait fo him. You da ony God can make lidat.

John 9:3

Jesus tell dem, “Not him o his faddah o his muddah do someting bad. Not cuz a dat he born blind. He wen born lidat fo erybody see da awesome stuff God do fo da guy.

1 John 4:7

My good frenz, we gotta get love an aloha fo each odda, cuz love an aloha come from God. Erybody dat get love an aloha, dey God kids an dey know God.