1 Corint 7:19 - Hawaii Pidgin Bible

¹⁹ If you cut skin, no matta. If you neva cut skin, no matta. Dass same ting. Main ting us guys do wat God tell us fo do.

1 Corint 7:19 Referans Kwoze

Galatia 6:15

No matta get cut skin mark, o no get um, main ting, God make da peopo come new inside.

Galatia 5:6

Wen us stay tight wit Jesus Christ, no matta us cut skin o no cut skin, main ting, we gotta trus God, an show plenny love an aloha fo God an odda peopo.

Jesus Show 22:14

“Erybody dat wash dea clotheses clean, dey can stay good inside, cuz dey get da right fo eat from da tree dat make peopo come alive fo real kine. An fo go inside God big town thru da gate.

Colosse 3:11

Inside Christ new way, no matta if one guy Jew an da odda guy not Jew, if one guy get da cut skin mark an da odda guy no mo da cut skin mark, if one guy donno oua language, o stay real wild jalike one guy from Sytia, if one guy one slave guy an anodda guy not. Christ da ony ting dat matta, an he stay tight wit all dese kine diffren peopo.

Galatia 3:28

Now, no matta Jew o not one Jew, slave o not one slave, guy o wahine, you guys all same same cuz you stay tight wit Christ.

1 Corint 8:8

Ho! No mo no food dat can make us guys come mo close to God, you know. If we no eat um, dat no make us mo worse. An if we eat um, dat no make us mo betta.

Rome 3:30

Cuz ony get one God. Da guys dat get da cut skin mark fo show dey one Jew kine guy, God make dem get um right wit him cuz dey trus him. An da peopo dass not Jew guys an no mo da mark on top dem, he make dem get um right wit him cuz dey trus him too.

John 15:14

You guys stay my frenz, if you guys do da stuff I stay tell you guys fo do.

Matthew 5:19

Whoeva no do jus one small kine Rule from God, cuz he tink, ‘Dat Rule notting,’ an he teach da odda guys fo tell dat Rule notting too, da King from da sky goin make dat guy jalike he notting. But whoeva do wat all da Rules From God tell fo do, an teach da odda guys fo do um too, da King from da sky goin make him importan.

1 Samuel 15:22

But Samuel tell: “You tink dat Da One In Charge feel mo good inside Wen you make all da diffren kine sacrifice, O wen you lissen him?! Wen you lissen, dass mo betta Den wen you make one sacrifice! Mo betta wen you find out wat God like, Den, kill da sheep!

Joshua 5:5

All da guys dat come outa Egypt get da cut skin mark. But da guys dat wen born inside da boonies wen da peopo stay go inside dea, dey no mo da mark.