1 Corint 10:29 - Hawaii Pidgin Bible

²⁹ Az why you gotta tink bout wat da odda guy tink, if az okay fo him fo eat um. No tink ony bout wass okay fo you. But eh! I get da right fo do wat I like do. Still yet, if anodda guy tink dass not okay fo him do dis ting, an az bad fo him, how come I no mo da right fo do wat I like do, jus cuz da odda guy tink az bad fo him?

1 Corint 10:29 Referans Kwoze

1 Corint 9:19

I do wateva I like do, an no mo nobody can tell me how I gotta ack. But you know wat? Jalike I wen come jalike one slave guy fo erybody tell me wat fo do. Wen I make lidat, I can help plenny mo peopo fo know God, az why.

2 Corint 8:21

We figga hard how fo do da right ting, not ony in front Da One In Charge, but in front da peopo too.

1 Corint 10:32

No go jam up nobody—da Jew guys, o da peopo dass not Jews, o da church peopo dat come togedda fo God.

1 Tessalonika 5:22

An stay real far from any kine bad kine stuff.

Luke 4:18

“Da Good An Spesho Spirit from Da One In Charge stay in charge a me, Dass why he sen me fo teach da peopo dat no mo notting Da Good Kine Stuff From God. He sen me fo tell da prisona guys Fo dem come free now. An tell da peopo dat no can see, Fo dem see now, An tell da peopo Dat dey no goin suffa no mo From da guys dat make any kine to dem,

1 Corint 9:1

Tink bout dis: I one guy dat do wateva I like do. God wen sen me all ova da place fo tell peopo bout him. I wen see Jesus, Da One In Charge a us guys. Cuz I stay tight wit him, all you guys wen trus Christ cuz a da work I wen do.