Ravrava non Pol lalai ata Rom 8:28 - Hano Niu Testamen

²⁸ Tam iloe be lol ginau n̄oto God mwa lol rovoga huri tavuha non atatu be ram doronia. Kera haḡea atatu be nu uloinira, huribe kea haḡea non binbinihi.

Ravrava non Pol lalai ata Rom 8:28 Referans Kwoze

1 Pita 5:10

I ataguna be giv ron̄ ḡagarasi huri taro vwelvwele gea, God, gabe mwa lai hogoi duluai, vi lol ginau tavuha duluai rav vavtutu. Kea vi lol kimiu giv wasi i vi tu wasigi mai kimiu bereva gim hovi. Mwa uloi kimiu be giv bete mai sarisari lol Kraes, sarisari be vi tu rahurahu vai tuai.

Jemes 1:12

Taro be sinombu kalkaliana mwa haḡo ron̄ora ram du wasi rahurahu, mwa du be rav samwara. Ataguna be ram seserai nora binihimwasigi God vi tavwera gin rahuana vai tuai. God nu tatauleo lalainira duluai be ram dabea.

1 Korin 2:9

Take kunia gabe mwa bevea lol ravrava sabuga be, “Geki atatu vwate nu hav gitae tehe, i atatu vwate nu hav ron̄oe te n̄an haḡea. Atatu vwate nu hav gita te batoia havanau be God mwa lol vatuvwainia hurira be ram dabea.”

Ravrava non Pol lalai ata Rom 8:30

God nu lol binbinihi hurira be rai vora kun nituna; i kera gabe nu lolira be rai vora kun nituna, kea mulei nu uloinira; i kea be nu uloinira, mwa lolira mulei ram bavtutu la lolmatana, i kera be nu lolira ram bavtutu, kea mulei mwa lai rahuan tavuha lalai gida.

2 Timoti 1:9

Nu varahu gida i nu lol gida non sinombu sabuga. Kea mwa hav vora te bwatuna be tan lol ginau vwate siboda, take huri taritari i hogoi non God. Hogoi gea nu laia lalai gida sivi Kraes Jisas amua taro mwa siv bwativuga.

1 Korin 1:9

God kea atatu be tav binihimwasiginia, i mwa ḡita lua kimiu be giv togo bulgaituvwa mai nituna Jisas Kraes nonda Ratahigi.

Visirai 3:19

Atatu gabe nam doron maragainira, nam av wasigi lalainira, i nam lai silo vevegi lalainira. Bwatuna gea, kimiu giv leahi binihimiu i giv van burigai nin vuromiu.

Kelesia 1:15

Take God nu lol vatuvwai rau matan taritari huriau i mwa dau dagaiau huri non rovoga amua vuvuri nam siv vora. Nu uloiau sivi non hogoi,

1 Tesalonaeka 5:9

God nu hav gita te lua gida be tav ron̄ ḡagarasi gin non lol horo take be tav lai varahuva sivi nonda Ratahigi Jisas Kraes.

Leo Tavuha gabe Mak nu Ravae 12:30

Gov lolotabetabe nom Ratahigi gabe God gin lolomwa duluai, gin atmatemwa duluai, gin binihimwa duluai, i gin nom muramura duluai.’

Ifisas 3:11

Geki mwa dame haragaituvwa mai bwatutun binbinihi be God nu togo maia la bwativun ureure, i kea mwa lol haraharai non binbinihi sivi Kraes Jisas Ratahigi gida.

Jemes 2:5

Giv roron̄tai ira tuaku! God mwa ḡita lua ira hiru lol ureure be rav rosoga lol binihimwasigi garagusi, i rav haḡo ute ratahigi be God nu tatauleo huria lalainira be ram dabea.

1 Jon 4:19

Tam dabe atat dodolua bwatuna be God mwa dabe gida.

2 Timoti 2:19

Take bwatbwatu be God nu taria sihav rihuan te dumwi; ira iha haḡea keragea ram du aluna: “Ratahigi mwa ilo kera be bilana,” i “atatu n̄oto be rai vora bilan Ratahigi rav mambu gin lalaḡov hantai.”

1 Jon 4:10

Geki mwasin lolotabetabe: nu hav vora te gida be tan lolotabei God, take nu lolotabetabe gida i nu hora Nituna be vi mate huri gida be men lai dagai vuron ureure.

Ravrava non Pol lalai ata Rom 9:11

Take amua ira naturigi atamwani gairua ram siv vora, God nu vevea lalai Rebeka be, “Tuagai vi lol rovoga lalai tihigi.” Geki nu loli amua ira naturirigi ram siv lol dum ginau tavuha sage ginau hantai. God mwa bevea kun geki be kea be nu gita luana bwatuna lol vatuvwai non God sibona. Kea nu gita luara bwatuna be kea haḡe vwate be God nu doron be vi uloinia, vorate huria be nu lol ginau vwate.

2 Korin 5:1

I tam iloe huba be rebehida kea kun imwa haohao be tam do alolona teti lol ureure vi lolian kaburai. Take batena be vi nogo, God kea vi lol imwa vwate lalai gida. Sihav vora te imwa be liman atatu vi lolia: Lol tanon rebehi gea vi vora tanoi vwate amare be vi togo vai tuai.

Kelesia 5:8

Leahi geki mwa hav mai tehe nin atatu be nu gita luago.

Lalaḡova 13:48

Mahavana be ira Lolobon̄i ram ron̄ avoana geki, ram avkari Ratahigi gin samwarana gaivua, i kera gabe nu uloinira huri rahuana ram bora ira binihimwasigi.

Ravrava non Pol lalai ata Rom 11:29

God mwa hav leahi te hohoi binihina mai non sinombu be nu uloinira i vataha ginau be nu laia lalainira.

1 Korin 1:2

Lalai uloilua non God Korin, i lalai kimiu duluai be gin togo sabuga lol Kraes Jisas, nu uloi kimiu be giv vora atat sabuga non God, mai sinombu duluai be ram dataro lol ihan Ratahigi Jisas Kraes, nora God i nonda.

1 Korin 1:24

Take lalainira sinombu be God nu uloi luara, ira Jius mai ira ata Krik, Kraes kea muramura non God i mataisao non God.

Kelesia 1:6

God, gin non hogoi sivi Kraes, mwa uloinigo be gov mai gi non atatu. I inau nam dan̄an̄a be gom ban burigai vilehi i gom binihimwasigi ginau dolua nin Roroi Tavuha.

Ifisas 4:1

Inau lol imwa vauvauhi bwatuna be inau bilan Ratahigi. God nu gita lua kimiu be giv vora non sinombu, i nam avdura kimiu kadogaha be giv togo lol rahuana gabe God mwa uloi kimiu huria.

Filipae 3:14

Nam lol ron̄oe tagaro be nai votui tovtovo gea i nav lai tavwe kea be God nu uloiau sivi Kraes Jisas huri rahuana amare.

Hibru 9:15

Huri ginau geki Kraes haḡea mwasin atatu be vi lol dautau tatauleo gara geki. Bwatuna gea atatu be God mwa uloi luara rav lai dum vatavuha vai tuai be God nu tatauleo huria lalainira. Mateanan Kraes haḡea vi lolia rav lai dum vatavuha.

1 Pita 2:9

Take kimiu haḡea atat gitalua, houn lalaḡo ata la ratahigi lavoa, bwatun vanua sabuga, atatu huri rovoga non God sibona. Kimiu gin gitalua huri lalaḡov tavuha huri God, gabe nu uloi lua kimiu nin ute meto vai lol gigita.

1 Pita 3:9

Gisav lol te hantai be vi vol mulei hantai, i gisav av te hantai be vi vol mulei avoan hantai lalainigo. Take giv vol mulei mai vatavuha bwatuna be kimiu sibomiu gin uloiana be giv lol ginau geki huribe kimiu giv lai vatavuha.