Ravrava non Pol lalai ata Rom 8:26 - Hano Niu Testamen

²⁶ I mulei Vui Sabuga mwa dogo mai gida lol nonda rahuan hantai. Tam hav ilo tehe halana be tav tataro kunia be tam lolia kunia. Ta Vui Sabuga sibona mwa avo lalai God huri gida, i mwa hudali God huri gida mai ron̄ova gaivua be avoana si hav vev te dum binihivanana.

Ravrava non Pol lalai ata Rom 8:26 Referans Kwoze

Matiu 10:20

Bwatuna avoana be giv vevea si hav vora te nomiu, take vi mai nin Vui Sabuga non Tamamiu gabe vi avo alolomiu.

Ifisas 6:18

Tataro lol Vui Sabuga vataha mahavana gin lalan̄an tataro, gov hudaligi huri ginau n̄oto be gom doronia. Huria be gov lolia kunia gov lol vatuvwai i si hav savigo tehe. Gov tataro vataha mahavana huri sinombu non God.

Kelesia 4:6

Kunia be kimiu ira nitun God, God nu hora vuin nituna vai lol irubwimiu, i vui gea nu haharigi amare be, “Tata.”

Leo Tavuha gabe Jon nu Ravae 14:16

Nav hudali Tata, i kea vi lai Turai dolua lalai kimiu, gabe kea vi togo mai kimiu vai tuai.

Ifisas 2:18

Uwe, sivi Kraes n̄ano be nonda mwasigi abena be tai mai vai aben Tata lol Vui gaituvwa.

Ravrava non Pol lalai ata Rom 8:15

Vui sabuga gabe tam laia mwa hav lol te gida be tamen vora turin mataguana, kea mwa lol gida gi ira nitun God. Gin Vui Sabuga gea tam dei tam bevea be, “Tata.”

Hibru 4:15

Nonda Muai Tataroi, nu hav vora te kun ira muai tataroi dodolua be mahavana be gida nonda muramura sigai, i gida tam hovi lol bwatigoro, take rasav hagav te dum gida. Take nonda Muai Tataroi gea mwa hagav maragai gida, huria be ginau kera gea be ram ḡal gida atagu take rav ḡalia muana. Kea haḡea dolua i vurona sigai.

Jemes 4:3

Be gov hudaligi, gosav laia tehe bwatuna be gom hudali God gin alen̄ hantai. Gom doron ginau be gov haḡora huri nom doroniva sibomwa.

Ravrava non Pol lalai ata Rom 15:1

Gida be tam du wasigi lol binihimwasigi garagusi tas lol ron̄oe be tas bului kera be ram mandamanda mai nora binihimwasigi, take tasav binihi te huri gida siboda.

Leo Tavuha gabe Luk nu Ravae 22:44

Jisas mwa n̄ala gin non ron̄ḡagarasi gaivua, i mwa dataro hahavwani; mamaonona mwa duturu kun daga vai lol tano.

2 Korin 5:4

La mahavana be tam do lol rebehi geki, tam habwe taro ririhai, i tam ron̄oe. Tam hav doron tehe be tav to vuroi, take tam doron be tav saga ḡoro gida lol rebehi ata amare. Vuvuri rebehi geki be vi mate vi gagavu gin rahuana.

2 Korin 5:2

Take kadogaha tam ron̄ mwahantai lol imwa gea. Tam doron be God vi lai tanoi gea lol ute ata amare lalai gida.

Matiu 20:22

Jisas mwa bwaliura be, “Gimdol hav ilo te havanau gimdol hudaligi huria. Matu giru vi mwinu dum alolon laha nav mwinua alolona?” Haḡe ramuru bwaliua be, “Uwe, garu vi mwin dumwia.”

Hibru 5:2

Nonda Muai Tataroi kea nu mandamanda. Bwatuna gea, kea nu maron̄ron̄o lalainira be ram bahala.

Ravrava non Pol lalai ata Rom 7:24

Kunia, hava atatu haḡea be nam hav ron̄ te mwandavuha! Ihei haḡea vi varahuau nin rebehi geki be mwa lai mateana lalaiau?