Ravrava non Pol lalai ata Rom 7:5 - Hano Niu Testamen

⁵ Take tuai, lol taro be tan huri alen̄an atatu n̄ano, Silo gea nu lolia tam doron maragai ira ginau hahantai be binihinda mwa doronia. Haḡe bwatun ginau geki, tam do tam lol rovoga non mateana n̄ano.

Ravrava non Pol lalai ata Rom 7:5 Referans Kwoze

Ifisas 2:3

Lol taro tuai gida tan togo kunira, tan lol ron̄oe be tamen samwarai nonda doroniva siboda i be tamen lol ginau duluai be rebehida i binihinda mwa doronia. Tas ron̄ ḡagarasi gin lolhoro non God bwatuna alen̄a be tam dogo aluna. Gida tan ḡun sinombu dodolua n̄an mulei.

Kelesia 5:24

Kera gabe ram dogo lalai Kraes Jisas ram boha volvol mulei vurora sibora. Ram lin̄ mulei nora ron̄ova ata tuai i ginau hahantai be ram doronbe ramen lolia.

Kelesia 3:10

Take kera be ram dogo n̄ano ram huri silo be men lolira ramen vavtutu ram dogo halaten vevegi, bwatuna ravrava sabuga mwa bevea be, “Ihei tehe vi lai vevegi be mwa hav gogonai te hano be nu ravana lol bukan silo.”

Ravrava non Pol lalai ata Rom 6:13

Gosav lin̄ te rahumwa be vi gogonai vuro, kun ginau be gamen lolia be men lol vuro. Ninia gea, lin̄igo sibomwa la liman God kunira be ran mate i kadogaha ram rahu. Kamai gam lolia gin rebehimai be gamen vuroga.

Ravrava non Pol lalai ata Rom 6:21

Gom lol daltalei ginau, i kadogaha gom busbusi ginira. Ginau keragea ram lai mateana n̄ano.

1 Jon 3:4

Ira hei duluai be ram buroga, ram n̄andu silo non God, bwatuna be vuroga kunia be mwa n̄anduana na silo non God.

Kolosi 3:5

Giv tau kaburai ginau hantai duluai lol rahumiu: vuro lol alen̄ bwatigoro, lolian daltalei gom lin̄ binihiv taltale mwa domuainigo, gon doron ginau lete, i ginau ravravwega i bugurana (huribe bugurana kea dovon̄an gogonaiana lalai tagaro dodolua).

1 Korin 15:56

Muramuran mateana be mwa lol kaburai atatu kea mwa mai nin vuro, i muramuran vuro kea silo.

Jemes 4:1

Gom iloe haḡea kun hanigi bwatun nomiu vigaigaiana i bwaloana? Ram mai nin nomiu binihiv hahantai gabe ram bwalo alolomiu.

Jemes 1:15

Doroniva uhu mwa mauri i mwa lai mateana.

Taetas 3:3

Amua radui gida mulei tan dadaloiga. Tan dahadaha, tan lol bahala, i tan vora turi huri ginau ivusi be rebehida ran doronira i ran samsamwara ginira. Tan lin̄ rahuda vai lol vahalana i tam binbinihi hantai. Sinombu ran varihai gida, i gida mulei tan varivarihai gida.

Ifisas 2:11

Gisav vinihi te malioi be kimiu ira Lolobon̄i. Taro vwate ran uloi kimiu be ira “tavdovon̄ana sigai” na kera be ran sasagerega be ran tav dovon̄ara.

Ravrava non Pol lalai ata Rom 7:23

Take nam ḡita silo dolua mwa lol rovoga alolon rebehiku, kea haḡea mwa lol bwaloana mai silo be rebehiku mwa dara aluna. Silo dolua be mwa lol rovoga lol rebehiku kea silo huri vuro, i mwa loliau gi non atat to vauhi.

Ravrava non Pol lalai ata Rom 6:23

Lol taro be atatu ram lol vuro, ram lai volira huri vuro be ram lolia i vuro gea mwa daura lol mateana. Ta God mwa lai hogoi vuroi lalai gida rahuana vai tuai mai Kraes Jisas nonda Ratahigi.

Ravrava non Pol lalai ata Rom 6:19

Nam lolia la hala geki, huribe nu ririhai lalainigo be gov iloe. Amua gon lin̄ vatahanan rebehimwa be rai vora turin vuro i ginau hantai; gom dogo n̄ano huri ginau hantai. Kunia mulei gon lin̄ muleinigo gi turin ginau vavtutu. I vuvuri gov togo n̄ano huri God.

Ravrava non Pol lalai ata Rom 5:20

Silo mwa mai be vi lol vuro vi liu; take la mahavana be vuro mwa mauri mwa liu, hogoi non God mwa ḡaivuaga.

Ravrava non Pol lalai ata Rom 4:15

huribe silo vi lai dum lolhoro non God. Ta kebe silo vi vora sigai ginau sigai be vi lolia atatu vi dahae.

Ravrava non Pol lalai ata Rom 3:20

bwatuna be atatu vwat sigai be vi lol vavtutu mai God be vi huri ira silo. Silo ram bagahi gida be tav ilo vuroda.

Ravrava non Pol lalai ata Rom 1:26

Bwatuna be sinombu ran lol ginau kerageki, God mwa bisdagai ninira i mwa lin̄ira ram lol ginau busbusi be ram doron be rav lolia. Ira vavine ram lin̄i be ram bulu mai ira atamwani i ram dau bwatuna ram bulu mai ira vavine.

Leo Tavuha gabe Jon nu Ravae 3:6

Atatu be mwa bora gin vihogoi nin tamana, i ratahina kea vihogoi, ta kea gabe mwa bora gin vui, mwa bora Vui.

Matiu 15:19

Bwatuna be nin lolon atatu binihiv hahantai kera geki ram mwalue, wehi bonogai, vuro mai atat lagi, vuro mai atatu dagai nin lagiana, surasura, tenteneana, i tul bonogai.

2 Korin 10:3

Gam dogo lol ureure, take gam hav bwalo tehe la hala be ureure mwa bwalo.