Ravrava non Pol lalai ata Rom 7:18 - Hano Niu Testamen

¹⁸ Uwe, nam iloe be gina tavuha sigai be mwa du aloloku binihivanana be gina tavuha vwat sigai be mwa du la rebehiku be nav lol alen̄ tavuha. Nam doron be nav lol alen̄a be ran tavuha, take nam hav lolia tehe.

Ravrava non Pol lalai ata Rom 7:18 Referans Kwoze

Leo Tavuha gabe Jon nu Ravae 3:6

Atatu be mwa bora gin vihogoi nin tamana, i ratahina kea vihogoi, ta kea gabe mwa bora gin vui, mwa bora Vui.

Kelesia 5:17

Nonda doroniva siboda mwa doron hano be mwa hav eno tehe lol Vui, i Vui mwa hav doron te hano be mwa en lol nonda doroniva. Ginau gairua geki ramuru barivarihainira, i gisav lol te dum hano n̄ano be gim doronia.

Ravrava non Pol lalai ata Rom 7:25

Nam avkari God huri be nu varahuau sivi Jisas Kraes nonda ratahigi! I lol binihiḡu nam bora atat vauhi huri silo non God, take lol noḡu rebehi vuroga na bora atat vauhi lalai silo huri vuro.

Kelesia 5:24

Kera gabe ram dogo lalai Kraes Jisas ram boha volvol mulei vurora sibora. Ram lin̄ mulei nora ron̄ova ata tuai i ginau hahantai be ram doronbe ramen lolia.

Filipae 2:13

bwatuna be God mwa lol rovoga alolomiu, be vi bului kimiu giv doron be giv lol hano be vi lol samsamwarai lolon God.

Taetas 3:3

Amua radui gida mulei tan dadaloiga. Tan dahadaha, tan lol bahala, i tan vora turi huri ginau ivusi be rebehida ran doronira i ran samsamwara ginira. Tan lin̄ rahuda vai lol vahalana i tam binbinihi hantai. Sinombu ran varihai gida, i gida mulei tan varivarihai gida.

Ravrava non Pol lalai ata Rom 7:19

Nam hav lol te alen̄ tavuha kebe nam doron be nav lolia, ta nam lol alen̄ lete be nam hav doron te didi lolia.

Ravrava non Pol lalai ata Rom 7:15

Nam hav ilo te dum vataha ginau be nam lolira. Nam hav lol te ginau be nam doron maragai be nav lolia, i nam lol ginau be nam hav doronia tehe.

Matiu 15:19

Bwatuna be nin lolon atatu binihiv hahantai kera geki ram mwalue, wehi bonogai, vuro mai atat lagi, vuro mai atatu dagai nin lagiana, surasura, tenteneana, i tul bonogai.

1 Pita 4:2

Giv tu wasigi Sibomiu huribe giv rahu teti lol ureure i giv lol havanau be God mwa doronia.

Filipae 3:12

Nam hav vevea te gin binihiva be, inau huba kunia be God mwa doroniau. Nam hav votui te radui tovtovo gea, i nav laia noḡu. Kraes Jisas mwa doroniau be nav lolia kunia bwatuna haḡea gea mwa loliau nam mai gi bilana.

Leo Tavuha gabe Luk nu Ravae 11:13

Kimiu atat hantai take gim ilo halana be gim lai ginau tavuha lalai ira nitumiu. Vaviha mulei be Tamamiu amare vi lai Vui Sabuga liu lalai ira hei gabe ram hudalinia huria!”

Ravrava non Pol lalai ata Rom 13:14

Take gov sagago mai ratahigi Jisas Kraes i gov vinihi malioi vuro be gom lolia hurin binihimwa sibomwa.

Ravrava non Pol lalai ata Rom 7:5

Take tuai, lol taro be tan huri alen̄an atatu n̄ano, Silo gea nu lolia tam doron maragai ira ginau hahantai be binihinda mwa doronia. Haḡe bwatun ginau geki, tam do tam lol rovoga non mateana n̄ano.