Ravrava non Pol lalai ata Rom 5:1 - Hano Niu Testamen

¹ Batena be tan vavtutu lolmatan God sivi nonda binihimwasigi, gida tan lol tamwata mai God i geki nu loli sivi nonda Ratahigi Jisas Kraes.

Ravrava non Pol lalai ata Rom 5:1 Referans Kwoze

Ravrava non Pol lalai ata Rom 15:13

Nam dataro lalai God be mwa hogoi doronhohov be vi hogon bamasiri kimiu gin ron̄ mwandavuha i tamwata lol taro be giv binihimwasigi garagusi aluna. I nomiu doronhohov vi maumauri gin muramura non Vui Sabuga.

Leo Tavuha gabe Jon nu Ravae 16:33

Nan vev ginau geki lalai kimiu huribe, giv lai tamwata ginia, huribe be giv bul gaituvwa aluku. Ureure vi lol kimiu giv ron̄ ḡagarasi. Take giv tu wasigi! Nan rihu maragai nin ureure!”

Kolosi 1:20

I sivi Nituna, God mwa lai mulei ginau duluai huria sibona-ginau lol ureure i ginau amare. God mwa lol tamwata sivi dagan Nituna gin mateana alun volovolo.

Ravrava non Pol lalai ata Rom 6:23

Lol taro be atatu ram lol vuro, ram lai volira huri vuro be ram lolia i vuro gea mwa daura lol mateana. Ta God mwa lai hogoi vuroi lalai gida rahuana vai tuai mai Kraes Jisas nonda Ratahigi.

Ravrava non Pol lalai ata Rom 14:17

Lol ute ratahigi non God, ginaganiana i wai mwinu varate ginau gaivua. Ginau n̄ano be nu marahi, kea be gom lol vavtutu lalai God, tamwata, i samwarana lol Vui Sabuga.

2 Tesalonaeka 3:16

Kadogaha nam dataro be Ratahigi Tamwata vi lai lalainigo tamwata i la hala duluai Ratahigi vi togo mai kimiu n̄oto.

Leo Tavuha gabe Jon nu Ravae 14:27

“Tamwata haḡea ginau gabe nam derainia mai kimiu; noḡu tamwata siboku gabe nam laia lalai kimiu. Nam hav laia tehe kun gabe ureure mwa laia. Gisav binbinihi te lavoai; i gisav matagu tehe.

Ravrava non Pol lalai ata Rom 4:5

Ta atatu si hav lol te dum rovoga vwate be vi lolira rai vavtutu la lolmatan God. Mwa du maragai be rai binihimwasigi garagusi aluna, be mwa lol atat vuroga ram bavtutu la lolmatana. I God mwa ḡita nora binihimwasigi, i nora binihimwasigi garagusi haḡea mwa lolira ram bavtutu la lolmatan God.

Kolosi 3:15

Gov lin̄ tamwata gabe Kraes mwa laia vi vwalau binihimwa, bwatuna be nu uloi kimiu duluai vai lol rebehi gaituvwa be giv haḡo tamwata. Giv lai avkariana vataha mahavana.

Ravrava non Pol lalai ata Rom 15:33

God be mwa lai tamwata na togo abemiu duluai. Amen.

Lalaḡova 10:36

Gim ilo roroi gabe nu horae lalai sinombu ira Jius, nu seserai lua Roroi Tavuha huri tamwata sivi Jisas Kraes, kea Ratahigi ḡoro atatu duluai.

Filipae 3:9

i bilana. Kadogaha nam bavtutu mai God, nu hav vora te huria be nan huri silo, take bwatuna be nam binihimwasigi garagusi alun Kraes. God mwa haḡo noḡu binihimwasigi garagusi mwa loliau nan bavtutu maia.

1 Tesalonaeka 5:23

Kadogaha nam dataro be God sibona, God huri tamwata, vi lol kimiu giv melmelo giv vora huria n̄ano. Nam dataro be rahumiu duluai lol Vui, atmatemiu, i rebehimiu vi to rahurahu i vahalana sigai batena be nonda Ratahigi Jisas Kraes vi mai.

Ravrava non Pol lalai ata Rom 5:18

I kun vuron Adam gaituvwa nu lai vevegin mateana lalai sinombu duluai, malel tavuha vwate be Kraes nu lolia kea nu lol atatu ram vavtutu lolmatan God. I kea mwa lai rahuan tavuha lalainira n̄oto.

Leo Tavuha gabe Luk nu Ravae 19:42

mwa bevea be, “Be gos iloe garigi hano gabe mwa doroniana huri tamwata! Take uhugaha gosav gita te dumwia!

Ravrava non Pol lalai ata Rom 1:7

Lalai kimiu duluai Rom gabe God mwa doron kimiu i nu uloi kimiu be giv vora ira non atat sabuga: Noḡu tataro, be God, tamanda, mai Jisas Kraes, raru vi tau hogoi i tamwata be vi togo mai kimiu.

Leo Tavuha gabe Luk nu Ravae 19:38

Ram bevea be, “God vatavuhai Ratahigi Lavoa gabe mwa mai lol ihamwa! Tamwata amare i God na roroa lol mahao!”

Kelesia 2:16

Radu, tam iloe be atatu mwa lolian bavtutu mai God vorate huria be mwa huri silo, take be mwa dau binihimwasigi garagusi alun Jisas Kraes. I gida mulei, tan tau nonda binihimwasigi alun Kraes Jisas, huribe tav vavtutu mai God bwatuna be tam binihimwasigi garagusi alun Kraes. Nu hav vora te bwatuna be tam huri silo, bwatuna be atatu vwate si hav vavtutu tehe lolmatan God gabe mwa huri silo.

Leo Tavuha gabe Jon nu Ravae 20:31

Take kera geki mwa ravana huribe giv binihimwasigi be Jisas kea Kraes, Nitun God, i be gin nomiu binihimwasigi garagusi aluna giv lai rahuana.

Ravrava non Pol lalai ata Rom 10:10

Tam binihimwasigi garagusi lol irubwida, i tam lol bavtutu mai God. I tam bevea gin bwan̄oda be tam binihimwasigi, i kea haḡea tam rahu.

Ravrava non Pol lalai ata Rom 3:30

bwatuna be kea God n̄an gaituvwa non kera duluai. Kea vi lol ira Jius rav vavtutu maia nin nora binihimwasigi garagusi i mwa lol ira Lolobon̄i ram bavtutu la hala n̄an gea sivi nora binihimwasigi garagusi.

Ravrava non Pol lalai ata Rom 1:17

Roroi Tavuha mwa bagahi kun hanigi God mwa lol atatu mwa bavtutu maia sibona be mwa dau bwatuna i mwa nogo mai binihimwasigi garagusi. Ravrava Sabuga mwa bevea be, “Kera be ram bavtutu mai God huri be ram binihimwasigi garagusi, kera rav habwe rahuana.”

Hibru 13:20

God mwa lol domarei Ratahigi Jisas Kraes atagun mateana. I kadogaha Jisas kea kun Lavoa huri Radaiḡoro Sipsip be Dagana mwa lalaḡoiana be men lol datauleon rahuana vai tuai non God mai bilan sipsip.

Ifisas 2:7

bwatuna huri taro vai non̄oiha duluai kea vi seserai mwasin hogoi be gaivua liu lol non lolotabetabe ginia be kea nu tavuha mai gida lol Kraes Jisas.

Kelesia 3:25

Kadogaha halan binhimwasigi garagusi nu mai, tam hav togo tehe halaten gitaḡoro.

Ravrava non Pol lalai ata Rom 10:15

i amua atatu vwate gim siv vano be men vevea, atatu gea haḡea be rav horae. Kunia be mwa ravana be, “Ginau geki nu tavuha maragai be atatu vi lago vi mai be men vev Roroi Tavuha lalai gida.”

Ravrava non Pol lalai ata Rom 9:30

I ke ginau duluai geki binihivanana kun hanigi? Kera be ira Lolobon̄i ran hav lol te ron̄ora be ramen vavtutu lolmatan God, take ran vavtutu lolmatan God bwatun nora binihimwasigi garagusi.

Leo Tavuha gabe Luk nu Ravae 2:14

“Uloi roron God lol mahao amare, i tamwata la ureure abera atatu gabe God mwa ron̄ mwandavuha ginira!”

Ravrava non Pol lalai ata Rom 3:22

God mwa lol atatu ram bavtutu maia sivi nora binihimwasigi garagusi alun Jisas Kraes. Geki mwasigi lalainira duluai be ram binihimwasigi Kraes, bwatuna be atatu duluai ran dadariha n̄ano:

Leo Tavuha gabe Jon nu Ravae 5:24

“Nam bev mwasigi lalai kimiu be, ihei tehe be mwa ron̄ noḡu avoana, i mwa binihimwasigi wani be nu horau, wani gea vi haḡo rahuana vai tuai.

Ravrava non Pol lalai ata Rom 5:11

I vorate kea n̄ano, ta kadogaha gida mulei tam ron̄ mwandavuha maragai mai God sivi nonda Ratahigi Jisas Kraes. Sivinia tam bora ira tuan God mulei.

Kelesia 5:22

Take Vui mwa baivusi vwain lolotabetabe, samwarana, tamwata, ron̄ mwan̄ava, lolotavuha, tavuha, binihimarahi,