Ravrava non Pol lalai ata Rom 4:15 - Hano Niu Testamen

¹⁵ huribe silo vi lai dum lolhoro non God. Ta kebe silo vi vora sigai ginau sigai be vi lolia atatu vi dahae.

Ravrava non Pol lalai ata Rom 4:15 Referans Kwoze

Ravrava non Pol lalai ata Rom 5:13

Vuro nu togo lol ureure amua nin ira silo non Moses, take vuro mwa hav vuluiana tehe mai gida be tam bahal avoana non Moses lol taro be silo sigai.

Kelesia 3:10

Take kera be ram dogo n̄ano ram huri silo be men lolira ramen vavtutu ram dogo halaten vevegi, bwatuna ravrava sabuga mwa bevea be, “Ihei tehe vi lai vevegi be mwa hav gogonai te hano be nu ravana lol bukan silo.”

1 Korin 15:56

Muramuran mateana be mwa lol kaburai atatu kea mwa mai nin vuro, i muramuran vuro kea silo.

Kelesia 3:19

Haḡe hano haḡea silo huria? Mwa laiana be men seseraiana be ginau hahantai be atatu ram lolia nu hav huri te doroniva non God. I nu loli rahurahu vaivotu raumatan vara, be nu tatauleo ran mai. Silo gea nu laiana sivi ira Enjel be ran haḡo Moses gi nora tamwata be vi lai silo lalai atatu.

Leo Tavuha gabe Jon nu Ravae 3:36

Ihei tehe gabe mwa binihimwasigi Nitun God vi haḡo rahuana vai tuai; take ihei tehe gabe mwa siehi nitun God rahuana sigai alolona, take kea vi togo aten silo vevegi non God.

1 Jon 3:4

Ira hei duluai be ram buroga, ram n̄andu silo non God, bwatuna be vuroga kunia be mwa n̄anduana na silo non God.

Ifisas 5:6

Gosav mahin̄a tehe be atatu vi saruruhigo ginia be men vev ginau lalainigo be ram hav vora te mwasigi, bwatuna be ginau kerageki vi lai lolhoro non God vai alura be ram hav tabe te silona.

Leo Tavuha gabe Jon nu Ravae 15:22

Kera rasav vuroga tehe be inau nan hav mai tehe be namen avo lalainira; take inau nan mai huba, kunia rasav mom ḡolai te dumwia huri vurora.

Kolosi 3:6

Ginau kerageki mwa lol God mwa lolhoro. I vi hovi alura be ram hav ron̄oe tehe.

Ravrava non Pol lalai ata Rom 1:17

Roroi Tavuha mwa bagahi kun hanigi God mwa lol atatu mwa bavtutu maia sibona be mwa dau bwatuna i mwa nogo mai binihimwasigi garagusi. Ravrava Sabuga mwa bevea be, “Kera be ram bavtutu mai God huri be ram binihimwasigi garagusi, kera rav habwe rahuana.”

Visirai 19:15

I buan bwaloana mamagani la bwan̄ona mwa ban dotomua be vi bwalo mai varan sinombu. Kea vi tomuainira gin bwata be mwa loliana gin aean, i vi seserai lolhoro wasi non God muramuraga be vi varahi kaburai vwain gaon taligaon waen vai lol lulroro gaivua aia be ran lol hun gaon taligaon waen aia.